कैलालीको टीकापुरमा शान्ति सु–व्यवस्था कायम गर्न खटिएको नेपाली सेना आज ब्यारेक फर्किने भएको छ । स्थानीय प्रशासनको निर्णय अनुसार भदौ ७ गतेदेखि टीकारपुरमा सेना खटिएको थियो । टीकापुरको सुरक्षास्थिति सामान्य भएकाले सेना फर्काउन लागिएको सैनिक जनसम्पर्क निर्देशनालयले जनाएको छ ।
यसैबीच प्रशासनले एक महिनादेखि लगाएको कफ्र्यु हटाएसँगै सुदूरपश्चिमको मुख्य व्यापारिक केन्द्र धनगढीमा चहलपहल बढ्न थालेको छ । नागरिकहरु बजारमा आउन थालेपछि व्यापार व्यवसाय पनि बढेको स्थानीय व्यापारीहरुले बताएका छन् । लगातारको कफ्र्युले एक महिनाभन्दा लामो समय बजार सुनसान रहेको थियो । धनगढीमा ४ दिनदेखि कफ्र्यु हटाईएपछि ग्रामिण क्षेत्रबाट बजारमा सामान किनमेल गर्न आउनेलाई सहज भएको कैलाली उद्योग वाणिज्य संघले जनाएको छ । स्थानीय प्रशासनले टीकापुरमासमेत कफ्र्यु खुकुलो पार्दै लगेको छ ।
