बर्दिया, ३१ असार । गएराति परेको पानीको कारण बर्दियाको विभिन्न स्थान डुबानमा परेको छ । नेउलपुर गाउँ विकास समितिको वडा नम्बर ४, ५, ८ र ९ तथा जयनगर गाविसको १, २, ४, ५, ६ र ९ नम्बर वडा डुबानमा परेको हो ।
त्यस्तै गोला गाविसको ५, धदबहार गाविसको २, ३ र ५ तथा बानियाभारको वडा नम्बर ५, बग्नाहा, बासगढी लगायतका क्षेत्र डुबानमा परेको छ । डुवानमा परेका क्षेत्रका १८ घर परिवारलाई सुरक्षित स्थानमा स्थानान्तरण गरिएको जिल्ला प्रहरी कार्यालय बर्दियाले जनाएको छ ।
