संम्भावित आर्थिक क्षेतिलाई ध्यान दिई जीवन बीमा गर्ने ब्यक्तिहरुको संख्या दिनहुँ जसो थपिदो क्रममै रहेको छ । सोही अनुसार यस क्षेत्रमा काम गर्ने कम्पनीहरुको पनि निकै प्रतिस्पर्धा चलिरहेको पाईन्छ । छोटो समयमा नै धेरै ब्यक्तिहरुको मन जित्न सफल आइएमइ लाइफ इन्स्योरेन्स कम्पनी लिमीटेड पनि एक हो । यसले कसरी काम गरिरहेको छ त ? यसै बिषयमा साथी प्रेम विश्वकर्माले आइएमइ लाइफ इन्स्योरेन्स कम्पनी लिमीटेड नेपालगंज शाखाका प्रमुख रबि सिंह महतारा सँग बिस्तृत कुराकानी गर्नुभएको छ ।

१. रबी जी, सर्वप्रथम तपाईलाई हार्दिक स्वागत छ ?

धन्यबाद ।

२. आइ.एम.ई. लाइफ इन्स्योरेन्स कम्पनी लिमीटेडको संक्षिप्त परिचयबाटै शुरु गरौं ? कतिपयलाई यसका बारेमा जानकारी नहुन पनि सक्छ ?
आइ.एम.ई. लाइफ इन्स्योरेन्स कम्पनी लिमीटेड आफैमा एउटा ठुलो ब्राण्ड भएकाले त्यति धेरैलाई थाहा नहोला भन्न त नसकिएला । तर पनि हाम्रो यसको स्थापनाको इतिहास हेर्दा खेरी यो कम्पनी २०६५ साल कार्तिक १५ गते पब्लिक कम्पनी लिमीटेडमा दर्ता भएर २०७४ साल भदौ १ गते देखी यसले ब्यवासायिक रुपमा आफनो कार्य संञ्चालन गर्दै आईरहेको छ । त्यहाँ देखी अहिले सम्म हामीले मानिसहरुको जीवन बीमा गर्दै आईरहेका छौं ।

३. कुन–कुन ठाउँबाट गर्नुहुन्छ ? 
हाम्रो हेड अफिस काठमाडौंमा रहेको छ । र ७ वटै प्रदेशहरुमा प्रदेश कार्यालयहरु स्थापना भएका छन । बाँके, बर्दियालाई प्रदेश नम्बर ६ अन्र्तगत राखी यो बीमा ब्यवासाय गर्दै आईरहेका छौं । हाम्रो प्रदेशको कार्यालय कोहलपुरमा रहेको छ भने नेपालगंज शाखा कार्यालय, गुलरिया बर्दिया, राजापुर, भुरीगाउँ, सुर्खेतमा पनि बीरेन्द्रनगर र मेहलकुनामा शाखा कार्यालय संञ्चालन भईरहेको छ ।

यसका साथै दैलेख, रुकुम लगायत अन्य केही ठाउँमा पनि अब शाखा बिस्तार हुने क्रममै रहेको छ । यस अर्थमा हामीले के भन्न सकिन्छ भने आइ.एम.ई. लाइफ इन्स्योरेन्स कम्पनी लिमीटेडलाई गाउँ–गाउँ सम्ममा पु¥याउने लक्ष्यका साथ अगाडि बढी रहेका छौं । बीमाको पहुँचबाट कोही पनि मान्छे नछुटुन, भन्ने एउटा अवधारणा लिएर हामी गाउँ समाजमा गइरहेका छौं ।

४. अलि कति सहभागी हुने प्रक्रियाबारे पनि बताईदिनुहोस न ?
यसमा मुख्यत : अभिकर्ताहरुबाटै आउने हो । हाम्रो काम गर्ने उहाँहरु नै हुनुहुन्छ । हामीले उहाँहरुलाई विभिन्न तालिम, प्रशिक्षण, अन्र्तक्रिया पनि गराई राखेका हुन्छौं । हामीले हाम्रो कम्पनी, बीमा योजनाका बारेमा उहाँलाई सबै कुरा बुझाई सकेपछि मात्र गाउँ समाजमा पठाउछौं ।

उहाँहरुले बीमा सँग सम्बन्धित सम्पुर्ण जानकारी बीमितहरुलाई बुझाउनुहुन्छ । त्यसपछि कोही इच्छुक हुनुभयो भने अभिकर्ताको माध्यमबाट हाम्रो कार्यक्रममा सहभागी हुन सक्नुहुन्छ । अथवा होइन म सिधै आफै पनि बुझ्छु भनेर इच्छा ब्यक्त गर्नुहुन्छ भने हाम्रो पनि विभिन्न ठाउँमा रहेका कार्यालयहरुमा सम्र्पक राख्न पनि सक्नुहुन्छ ।

५. उसो भए यति गरे बीमा गर्न सकिने भयो ? 
बीमा गर्नुभन्दा सर्वप्रथम त बीमा के हो भन्ने कुरा बुझ्नु पर्छ । बीमाको बारेमा नबुझीकनै बीमा गर्ने अथवा बीमा गराउने प्रक्रियामा हामी जादैनौं । बीमा भनेको हाम्रो जिन्दगीमा आईपर्ने क्षेतिहरुलाई न्युनिकरण गर्नको लागी एउटा किस्ता बन्दीमा हामीले केही पैसाहरु जम्मा गर्दै जान्छौं । केही निश्चित समय पछि त्यो हामीले जम्मा गरेको किस्ता र त्यसबाट केही आर्जित बोनसहरु एकमुष्ट प्राप्त हुन्छ । र त्यो भनेकै एउटा भविष्यका लागी लगानी पनि हो ।

अनि एउटा बचत पनि हो । साथै हाम्रो जीउ ज्यानको जोखिम वहन गर्ने काम पनि बीमा कम्पनीले गरी रहेको हुन्छ । र यसको लागी हामी सँग विभिन्न खाले योजनाहरु पनि रहेका छन । हाम्रो कम्पनी द्धारा प्रस्तुत गरिएको जीवन बीमा योजनाहरुमा आइएमई सरल (सावधिक) जीवन बीमा योजना, आइएमई धनवर्धन (अग्रीम भुक्तानी सावधिक) जीवन बीमा योजना, आइएमई आजीवन (सावधिक) जीवन बीमा योजना, आइएमई बाल उज्जवल (सावधिक) जीवन बीमा योजना, आइएमई बाल उमंग (अग्रीम भुक्तानी) जीवन बीमा योजना, आइएमई सवल (सिमित भुक्तानी सावधिक) जीवन बीमा योजना, आइएमई धनवृक्ष जीवन बीमा योजना (अग्रीम भुक्तानी सावधिक), आइएमई म्यादी लघु जीवन बीमा योजना, सावधिक लघु जीवन बीमा योजना र बैदेशिक रोजगार जीवन बीमा योजना उपलब्ध छन ।

६. भनेपछि यदी मैले आइ.एम.ई. लाइफ इन्स्योरेन्स कम्पनी लिमीटेड जीवन बीमा गर्न चाहेमा जतिको पनि गर्न सक्ने भए हैन ?
त्यो त बीमा योजना अनुसारको फरक हुन्छ, तपाईको आवाश्यकता, आय स्रोत अनुसार जतिको पनि गर्न सक्नुहुन्छ । ठुलो बीमाहरु गर्नलाई केही प्रक्रियाहरु छन । जस्तो की १ लाख रुपैयाँभन्दा बढी रकम बुझाउनु पर्ने भयो भने सिधै पैसामा बुझाउन सक्नुहुदैन ।

त्यसको लागी बैंकबाट सिधै आउनु पर्छ । साथै तपाईको स्वास्थ्य जाँच पनि गछौं । यो फेरी १० भन्दा बढीको बीमा गर्नु हुनेहरुलाई हो । स्वास्थ्य जाँचको रिपोर्ट राम्रो आयो भने हामी बीमाको प्रक्रियालाई अगाडि बढाउछौं । कममा २० हजार रुपैयाँ, ५० हजार रुपैयाँ पनि हुन सक्छ बीमा योजना अनुसार हो ।

७. यो बीमा गर्दा खेरी के फाईदा हुने रैछ ?
जीवन बीमा गर्दा खेरी फाइदै–फाइदा छ । यसमा रहेका केही फाईदाहरु म तपाईलाई भन्न चाहान्छु, जस्तो पहिला भयो, हाम्रो आर्थिक सुरक्षा, घरमा काम गर्ने एउटा मुली मान्छे छ, भोली उसलाई केही भइहाल्यो भने अब उसको परिवारलाई जुन आर्थिक समस्या भार पर्न आउँछ । त्यो भार वहन गरिदिने काम बीमा कम्पनीले गर्छ । अर्को फाइदा भनेको उहाँहरुले बुझाएको पैसा चाहियो भने केही तोकिएको निश्चित समय पछि ऋण पनि निकाल्न सक्नुहुन्छ । धितो पनि राख्नु पर्दैन ।

ब्याज पनि न्युन दरमा ऋणको सुविधा त्यहाँबाट पाउनु हुन्छ । यो बीमा भनेको आयकर छुट हुने एउटा ब्यवासाय पनि हो । यस कारण पनि मानिसहरुको झुकाव यसतर्फ बढी रहेको छ । उहाँहरुले जुन पैसा जम्मा गर्नुहुन्छ, हामी उठाउछौं, त्यो पैसा देशका विभिन्न खाले राष्ट्रिय गौरवका आयोजना तथा योजनाहरुमा लगानी गरिने भएकाले उहाँहरुको त्यहाँ पनि सहभागीता सुनिश्चित हुने भयो ।

जुन कुरा बीमा समितिले नै निर्धारण गरिदिएको छ, के कति कहाँ लगानी गर्ने भनेर । यसका साथै यो बचत पनि हो । बीमा पैसा तिर्न, बुझाउने होइन त्यहाँ पैसा जम्मा गर्ने हो । यो कुरा जनमानसले बुझ्न जरुरी छ । यसो गर्न सकियो भने पक्कै पनि हामीले यो क्षेत्रमा राम्ररी प्रगति गर्न सक्छौं ।

८. तपाईको कम्पनी सँग जोडिने ब्यक्तिहरुको उपस्थिती र के–कति सम्मको जीवन बीमा भएको देखिन्छ ?
हामीले १ लाख देखी २ करोड रुपैयाँ सम्मको जीवन बीमा गरेका छौं । कम्पनीले शाखा अनुसार त्यस्तो निकालेको छैन । गएको आर्थिक बर्षमा जुन ९ वटा नयाँ कम्पनीहरु एक साथ संञ्चालनमा आएका थिए ।

त्यो कम्पनीहरुमा हाम्रो देशभरको ब्यापारलाई दोस्रो नम्बरमा र नाफाको हिसावमा हामीहरु चाँही पहिलो नम्बरमा थियौं । भन्नुको मतलव हाम्रो आइएमई ग्रुपले अघिल्लो आर्थिक बर्षमा गरेको ब्यापार, नाफाका आधारमा हामी एक नम्बरको कम्पनी हौं । यसलाई अझै अगाडि बढाउदै एक नम्बरमै रहने प्रयासमा छौं हामी ।

९. नेपालमा त अरु धेरै बीमा कम्पनीहरु पनि छन ? तिनी र आइएमईमा केही फरक छ की उस्तै हो ?
हो, यही प्रश्न कति खेर सोध्नुहुन्छ भन्ने मलाई लागीरहेको थियो । आइएमई र अरु कम्पनी ग्रुपमा भन्दा खेरी सबैभन्दा सजिलो गरी बुझ्ने कुरा के छ भने जुन हामी प्रिमियम दिन्छौं नी, त्यो अन्य भन्दा हाम्रो एकदम न्युन छ । सबै सेवा सुविधाहरु उही नै हो ।

तर जम्मा गर्ने पैसामा मात्र हामीहरु न्युन छौं । त्यस कारणले गर्दा खेरी पनि आइएमई प्रति मानिसहरुको आकार्षण एकदम बढी रहेको छ । र यो कुराहरु हामी अझै अगाडि बढाउदै लान्छौं । चारैतिर जनमानसहरुमा आइएमई, आइएमई भन्ने गरी वातावरण सिर्जना गर्नमा हामीहरु एकदम लागी परेका छौं ।

१०. बजारमा पैसा पठाउने सजिलो माध्यम एउटा आइएमई भन्ने पनि छ, त्यो र यसमा धेरै मान्छेहरु झुकिनुहुन्छ होला ? यसमा केही त्यस्तो सम्बन्ध छ ?
कस्तो हो भने पछि नी, यो आइएमई ग्रुप एउटा प्रबुद्ध समूह हो । त्यसैको लगानी अन्र्तगत रहेका यिनी सबै कम्पनीहरु हुन ।

जस्तो आइएमई लिमीटेड, ग्लोबल आइएमई बैंक लिमीटेड, ग्लोबल आइएमई क्यापिटल लिमीटेड, हिमालयन पावर पार्टनर्स लिमीटेड, आइएमई जनरल इन्स्योरेन्स कम्पनी लिमीटेड, चन्द्रागिरी हिल्स लिमीटेड, स्विफ्ट टेक्नोलोजी प्रा.ली., आइएमई मोटर्स प्रा.ली., डिस मिडिया नेटवर्क प्रा.ली., माउन्ट पुमोरी एयर कार्गो प्रा.ली. हुन । त्यसैले पुजीँका आधारमा हामीहरु सबैभन्दा ठुलो ग्रुप हौ भन्न सक्छौं ।

११. भनेपछि सजिलै यहाँँहरु सँग जोडिन सकिने भयो ? कि अरु कुनै विकल्प पनि छन ?
पहिलो कुरा त हाम्रा ठाउँ–ठाउँमा कार्यालय भएकाले सिधै त्यहाँ आउन सक्नुहुन्छ । त्यो भएन भने पनि हाम्रो बेवसाइड छ, त्रिपल डब्लु डट आइएमइ लाइफ इन्स्योरेन्स डट कम त्यहाँ गएर आफनो नजिकमा रहेका शाखाहरु हेर्न सक्नुहुन्छ ।

त्यहाँ शाखाका फोनहरु समेत सबै उपलब्ध हुन्छ, फोन गरेर अझ विस्तृत जानकारीहरु पनि लिन सक्नुहुन्छ । हामी सँग विभिन्न क्षेत्रका अभिकर्ताहरु पनि रहनुभएको छ । उहाँहरु मार्फत आएर पनि जोडिन सक्नुहुन्छ । हामी सँग जोडिनुभएको बीमा बचत गर्ने मात्र होइन की उहाँ सक्षम हुनुहुन्छ भने अभिकर्ताको रुपमा पनि काम गर्न सक्नुहुन्छ । उहाँलाई आवाश्यक पर्ने तालिम लगायतका कुराहरु हामी सहयोग गछौं ।

१२. अब अन्त्यमा रबी जी, थोरै पुजींको सुरक्षा बारे पनि कुरा गरौंन ?
सबै क्षेत्रमा केही राम्रा र नराम्रा मान्छेहरु हुन्छन नै । बीमामा पनि नराम्रा मान्छेहरु छैन्न नै भन्न सकिदैन । तर केही मात्रामा रहेका नराम्रा मान्छेहरुले गरेको गल्तीले गर्दा आज बीमा ब्यवासाय अलि कति धरमराई रहेको हो, मान्छेहरुले नेगेटिभ रुपमा लिई रहेको अवस्था छ ।

त्यसको लागी अहिले हामीहरुले के गरेका छौं भने सम्पुर्ण सिस्टमहरु अनलाइन गराई दिएका छौं । जसमा एसएमएस छ, उहाँको काम हुन साथ सन्देश जान्छ । आफै पनि धेरै कुराहरु बारेमा जानकारी लिन सक्ने गरी पहुँच बढाउने काम गरेका छौं । अभिकर्ताले मेरो पैसा नबुझाईदेला की, हराउला की भन्ने चिन्ताबाट मुक्त पारी हामीले बीमीतहरुलाई ढुक्क पार्ने काम गरि रहेका छौं । उहाँहरु आफैले सम्पुर्ण विवरणहरु लिन पाउनुहुन्छ ।

१३. हवस्त, समय दिनुभयो तपाई धेरै–धेरै धन्यबाद ?
हामीले गरिरहेको काम बारेमा जानकारी गराउने अवसर प्रदान गर्नुभयो । हुन्छ, हजुरलाई पनि धेरै धन्यवाद ।