काठमाडौं । पेट्रोलियम पदार्थको मूल्य समायोजनका लागि दबाब दिन नेकपा (बहुमत) पार्टी निकट विद्यार्थी संगठन अखिल (क्रान्तिकारी) केन्द्रीय समितिले टेकुस्थित नेपाल आयल निगमको कार्यालय अगाडि प्रदर्शन गरेको छ ।
पटकपटक भारतबाट पेट्रोलियम पदार्थको मूल्य घटेर आउँदा पनि मूल्य समायोजन नगरेको भन्दै अखिल (क्रान्तिकारी)ले प्रदर्शन गरेको हो । मूल्य समायोजन गरेर तत्काल ‘गल्ती सच्याउन’ संगठनले आयल निगमसँग माग गरेकाे छ ।
साे संगठनका केन्द्रीय उपाध्यक्ष वीरेन्द्र शाहले आयल निगमलाई घटेर आएको पेट्रोलियम पदार्थको मूल्य समायोजन नगरे कडा रूपमा प्रस्तुत हुने चेतावनी दिएका छन् ।
“तत्कालै मूल्य समायोजन नभएको खण्डमा हाम्रो यो शान्तिपूर्ण प्रदर्शन अन्तिम हुनसक्छ । हाम्रा माग सम्बोधन नभए आयल निगमका कर्मचारीविरुद्ध आन्दोलन गर्छाैँ,” शाहले भने ।
