बाँकेको कोहलपुरमा आज कक्षा स्तरीय हाजिरी जवाफ प्रतियोगिता सम्पन्न गरिएको छ । अनेरास्ववियु र अखिल क्रान्तिकारी बागेश्वरी क्याम्पस कमिटीको संयुक्त आयोजनामा हाजिरी जवाफ प्रतियोगिता सम्पन्न गरिएको हो ।
कक्षा स्तरीय हाजिरी जवाफ प्रतियोगितामा १४ जनाले सहभागीता जनाएका थिए ।
जसमध्ये प्रथम, द्धितिय र तृतिय हुन सफल बिद्यार्थीलाई बागेश्वरी बहुमुखी क्याम्पसका अध्यक्ष नरेन्द्र न्यौपान्ने, क्याम्पस प्रमुख शिसिर कुमार शर्मा, नेकपा प्रदेश नम्बर ५ कमिटीका सदस्य पुजन बिश्वकर्मा, स्वबियुका संस्थापक सभापति अब्दुल हुसेन खाँ, स्वबियु सभापति दिनेश केसी, अखिल क्रान्तिकारीका पूर्व केन्दिय सदस्य राजेन्द्र बिष्ट, अनेरास्वीयु बाँके निर्वाचन क्षेत्र नम्बर १ का अध्यक्ष सुमन घिमिरेले बधाई सहित प्रमाण पत्र प्रदान गर्नुभएको थियो ।
यस किसीमका प्रतियोगिताले बिद्यार्थीहरुको ज्ञान आर्जन वृद्धिमा थप मद्दत गर्ने अपेक्षा गरिएको छ ।
