सुदूरपश्चिम क्षेत्रका वासिन्दाहरुको ठूलो चाड गौरा पर्व सुरु भएको छ ।
शुक्रवार देखि विरुडा भिजाएर सुरु भएको गौरा आज तेस्रो दिन गौरी देविको पूजा–आजा गर्ने गर्दछन । तामा वा पित्तलका भाँडामा भिजाईएको गहुँ, केराउ, गहत, मास र गुराँउसलाई आजनै गौरादेवि लाई चढाउने गर्दछन ।
आजैदेखि सुदूरपश्चिमेलिहरु गौरा देबि लाई बाहिर निकाली गौरा देविलाई पुजाआजा गर्दै खेलाउने गर्दछन । हिमालयकी छोरी पार्वर्तीले भगवान शिवलाई पती पाउन गौरा देवीको निराहार व्रत बसेको किवदन्तीका आधारमा गौरा मनाउने गरिएको हो । पार्वतीले शिव पति पाएझैं अविवाहित युवती शिवझैं पति पाउन व्रत बस्छन, विवाहितले पतिको दीर्घायुको कामना गर्दछन ।
सुदूरपश्चिमका पहाडी जिल्ला बझाङ्ग, बाजुरा, आछाम, डोटी जिल्लामा बसोवास गर्ने वासीन्दाहरुले महिला र पुरुषको देउडा खेल लगाउने गर्दछन । भने बैतडी, डडेल्धुरा, दार्चुलाका वासीन्दा हरुले अलगै खेल लगाउने गरेका छन ।
