द वेष्ट फिफा पुरुष खेलाडी अवार्डको अन्तिम मनोनयनमा तीन जना खेलाडीको नाम समाबेश भएको छ ।
फिफा सदस्य राष्ट्रका प्रशिक्षक, कप्तान, पत्रकार र समर्थकले १४ खेलाडीलाई दिएको मतका आधारमा अन्तिममा लियोनल मेस्सी, केलियन एमबाप्पे, करिम बेन्जेमाको नाम तय भएको हो ।
सन् २०२१ अगष्ट ८ देखि २०२२ डिसेम्बर १८ को प्रदर्शनका आधारमा उनीहरुलाई छनोट गरिएको हो ।
सन् २०१८ बाट सुरु भएको यो अवार्डका लागि मेस्सी अन्तिम तीनमा पर्न एक पटक मात्र असफल भएका खेलाडी हुन् । यी तीन मध्ये सन् २०१९ मा अर्जेन्टिनाका कप्तान मेस्सीले द वेष्ट फिफा अवार्ड जितिसकेका छन् ।
मेस्सी मनोनयनमा नपरेको २०१८ को संस्करणमा लुका मोड्रिचले जितेका थिए भने पछिल्लो दुई सिजन रोर्बेटो लेवान्डोस्कीले द बेष्ट फिफा अवार्ड जितेका छन् ।
तर, यस बर्षको उत्कृष्ट खेलाडी मनोनयनमा पोर्चुगलका खेलाडी क्रिष्टियानो रोनाल्डो भने मनोनयनमा परेनन् । यसअघि उनी प्रायः पर्दै आएका थिए ।
