कतारमा जारी विश्वकपमा एसियाली महारथी जापानले उत्कृष्ट प्रदर्शन गर्दै  स्पेनमाथि २-१ गोलअन्तरको जित निकालेको छ ।

जापान  समूह ‘ई’ को विजेता बन्दै फिफा विश्वकप फुटबलको अन्तिम १६ मा प्रवेश गरेको छ ।

स्पेनसँग पछि परेको स्थितिलाई उल्टाएर जित निकाल्दा जापान समूह ई को विजेतासमेत बन्यो । समूहमा पूर्व विश्व च्याम्पियनहरु स्पेन र जर्मनी दुवैलाई हराएको हो । ६ अंकसहित समूह विजेता बनेको जापानले समूह एफको उपविजेता क्रोएसियासँग क्वाटरफाइनल प्रवेशका लागि खेल्नेछ ।

उपविजेता स्पेनले भने सो समूहको विजेता मोरक्कोसँग खेल्नेछ । खालिफा अन्तर्राष्ट्रिय रंगशालामा भएको खेलको ११औं मिनेटमै अल्भारो मोराटाले गरेको गोलबाट पछि परेको जापान पहिलो हाफमा पूर्णतय स्पेनको छायामै थियो । दोस्रो हाफमा स्पेनको टिकिटाकामाथि हावी देखिएको जापानले सुरुवाती ६ मिनेटमै २ गोल फर्काउन सक्यो । ४८औं मिनेटमा रित्सु डोआन र त्यसको तीन मिनेटपछि आओ तानाकाले गोल गरेपछि जापान खेलमा फर्कियो ।

जर्मनीलाई अन्तिम १६ मा प्रवेश गर्नमा जापान नै तगारो बन्यो । जापानले स्पेनलाई हराउनु नै जर्मनीको दुर्भाग्य भएको हो । स्पेन र जर्मनीको समान ४ अंक भएपनी गोलका आधारमा स्पेन अन्तिम १६ मा प्रवेश गरेको हो ।