अनलाईननेपालगंज डटकम :
नेपाल तरुण दलका केन्द्रीय अध्यक्ष जित जंग बस्नेतले कांग्रेसलाई सिध्याउन प्रहरी प्रशासनको आडमा के.पी ओली सरकारले षड्यन्त्र गरिरहेको बताउनुभएको छ । तरुण दल सुनसरी जिल्लाका अध्यक्ष सिजन गुरुङको रिहाईको माग गर्दै आज इटहरीमा आयोजित विरोध आम सभालाई सम्बोधन गर्दै अध्यक्ष बस्नेतले वर्तमान सरकारको यो षड्यन्त्र कदापी सफल नहुने प्रष्ट पार्नुभएको छ । यस्तो प्रयास गरे कांग्रेस र तरुण दलले ल्याएको आधि बेरीमा वर्तमान सरकारले बिलाएर जाने समेत उहाले बताउनुभएको छ । त्यसै गरि उहाले पटक पटक कांग्रेस र कांग्रेसको भातृ संगठन माथि प्रहार गरिरहेको भन्दै अब नेपाल तरुण दलले के.पी ओली सरकारलाई नेपाली कांग्रेसको वास्तविक ताकत देखाउने समेत उल्लेख गर्नुभएको छ ।
यस्तै उहाले विरोध आम सभाबाट नै प्रहरी प्रशासनलाई चेतावनी दिदै २ दिन भित्रमा सिजन गुरुङलाई बिना सर्त रिहा नगरे प्रदेश नं १ बन्द गर्ने र त्यसपछि देशब्यापी रुपमा बन्दको कार्यक्रम सुरु गर्न समेत सबै जिल्ला समितिहरुलाई निर्देशन दिनुभएको छ । केहि दिन अगाडी विभिन्न षड्यन्त्र गरी सुनसरी प्रहरी प्रशासनले नेपाल तरुण दल सुनसरीका अध्यक्ष सिजन गुरुङलाई राति १० बजे आसपासको समयमा कार्यक्रमबाट घर फर्किने क्रममा हिरासतमा लिएको थियो । नेपाल तरुण दल सुनसरीका अध्यक्ष सिजन गुरुङलाई त्यसरी अपराधीको जस्तो व्यवहार गरी प्रहरी प्रशासनले पक्राउ गरे पछि निकै दिन देखि नै सुनसरी र सुनसरी जिल्लाको आसपासको क्षेत्र तनाव ग्रस्त बनेको छ ।
नेपाल तरुण दल सुनसरीका अध्यक्ष सिजन गुरुङलाई प्रहरीले पक्राउ गरे संगै सुनसरीका जनता निकै आक्रोशित भएका थिए । त्यस लगतै नेपाली कांग्रेस सुनसरी जिल्ला समिति, तरुण दल सुनसरी जिल्ला समिति र तरुण दल तथा कांग्रेस कार्यकर्ताहरुको साथमा आम जनता पनि सिजन गुरुङको तुरुन्तै रिहाईको माग गर्दै सडक आन्दोलनमा उत्रिएका थिए । सडक आन्दोलन अहिले पनि निकै तीव्र गतिमा जारी छ । यसै बीच आज इटहरीमा आयोजना गरिएको विरोध आम सभालाई सम्बोधन गर्न र आन्दोलनलाई साथ र सहयोग पुर्याउन र प्रमुख केन्द्र बिन्दुमा पुर्याउनका लागि हिजो मात्रै नेपाल तरुण दलका केन्द्रीय अध्यक्ष जित जंग बस्नेत सुनसरी पुग्नु भएको थियो ।
उहा हिजो मात्रै केहि दिन अगाडी देखि सुरु भएको भारत, दिल्ली शाखाद्वारा आयोजित तरुण प्रशिक्षण कार्यक्रममा प्रमुख अतिथिको रुपमा सहभागी भई स्वदेश फिर्ता हुनुभएको थियो । उहा हिजो स्वदेश फिर्ता भए लगतै तुरुन्त सुनसरी जिल्ला तर्फ प्रस्थान गर्नुभएको थियो । उहाको उपस्थितिले सुनसरीको आन्दोलन यति बेला अझ बढी सशक्त रुपले अगाडी बढेको छ । यस्तै आम सभालाई सम्बोधन गर्दै नेपाल तरुण दलका केन्द्रीय अध्यक्ष जित जंग बस्नेतले सिजन गुरुङ हिरासतमा परेको अर्थ हामी सबै तरुण साथीहरु हिरासतमा परेको बराबर रहेको बताउनुभयो । यस्तै उहाले अहिले ठाउँठाउँमा हाम्रो तरुण दलका साथीहरुलाई प्रहरी प्रशासनको धम्की आईरहेको र धम्की संग डराउने होइन त्यसको सामाना गर्न सक्ने नै सच्चा तरुण रहेको पनि प्रष्ट पार्नुभएको छ ।
यस्तै उहाले कसैको धम्की संग डराएर बस्ने हो भने आफ्नो पद छोडेर तरुण दलबाट गए हुन्छ भनेर पनि उहाले ठाडो भाषामा बताउनु भएको छ । यस्तै उहाले यो सबै अहिलेको सरकारले प्रजातन्त्र माथि गरेको प्रहार रहेको पुष्टि गर्नुभएको छ । त्यसै गरि उहाले के.पी ओलीलाई कडा प्रहार गर्दै के.पी ओलीले प्रधानमन्त्री बनेको दिन देखि नै सबै माथि कम्युनिष्ट शासन लाद्न खोजेको भन्दै के.पी ओली सरकारको यो प्रयास कहिले सफल नहुने भन्दै अब नेपाल तरुण दलले अहिलेको सरकारलाई मुतोड जवाफ दिने समेत बताउनुभएको छ ।
यस्तै उहाले १५ गते गणतन्त्र दिवसको अवसर पारेर हत्यारा करार पाई आजीवन कारावासको सजाय पाएका पुर्व नेकपा सांसद बालकृष्ण ढुंगेललाई राष्ट्रपतिद्वारा आम माफी दिई छाडिएको र तरुण दल सुनसरी अध्यक्ष सिजन गुरुङलाई पक्राउ गरेको कुरा निकै नै हाँस्यस्मत रहेको उल्लेख गर्नुभएको छ । यस्तै उहाले यसरी एउटा हत्यारालाई रिहा गरि एक समाजसेवीलाई हिरासतमा लिएर अहिलेको सरकारले आफ्नो नालायकपन प्रस्तुत गरिसकेको बताउनुभयो । यस्तै उहाले के.पी ओली सरकारले हत्यारा करार पाएका बालकृष्ण ढुंगेललाई रिहा गरि गणतन्त्र दिवसको दिनमा सम्पूर्ण नेपाली सहिदहरुको घोर अपमान गरेको पनि बताउनुभएको छ ।
त्यसै गरि उहाले सम्पूर्ण कम्युनिष्ट सरकारको साथ दिई सिजन गुरुङको बारेमा जथाभावी समाचार सम्प्रेषण गर्ने सबै मिडियाहरुलाई तरुण दल सुनसरी अध्यक्ष सिजन गुरुङ दोषी भएको प्रमाण ल्याउन र यदि सिजन गुरुङ साच्चिकै दोषी हो भने आफुले नै उसलाई स्वयम कारवाही गर्ने समेत बताउनुभएको छ । उहाले सिजन गुरुङ बिल्कुलै निर्दोष रहेको समेत प्रष्ट पार्नु भएको छ । यस्तै उहाले सबै तरुण साथीहरुलाई आगामी दिनको लागि तयार भएर बस्न र आन्दोलनको लागि सशक्त रुपले तयारी गर्न निर्देशन दिनुभएको छ । यस्तै उहाले अबको तरुण दलले गरेको गतिविधिको हरेक घटनाको जिम्मेवारी तरुण दल केन्द्रीय अध्यक्ष जित जंग बस्नेत र तरुण दल केन्द्रीय समितिले लिने प्रष्ट पार्नुभएको छ । यस्तै उहाले सबै तरुण साथी र कार्यकर्ताहरुलाई बिल्कुलै नडराईकन अगाडी बढ्न निर्देशन समेत दिनुभएको छ ।
हेर्नुस भिडियो :
https://www.facebook.com/1894848320787520/videos/2077534432518907/
