काठमाडाैं । १३ बैशाख – आशिर्वाद पेन्ट्स नेपालगञ्ज कप क्रिकेटकाे उपाधि एनआईसी एसिया दंगाली गोर्खाजले जितेको छ ।
बुधबार भएको फाइनल खेलमा पप्पु कन्स्ट्रक्सन रोल्पा गोरिल्लाजलाई एकतर्फी ढंगले ८ विकेटको विशाल अन्तरले पराजित गर्दै दंगाली गोर्खाजले पहिलो संस्करणको उपाधि आफ्नो पक्षमा पारेको हो ।
उपाधिसँगै दंगाली गोर्खाजले रु एक लाख ११ हजार र ट्रफी प्राप्त गर्यो भने रोल्पा गोरिल्लाजले उपविजेता बन्दै रु ६० हजार प्राप्त गर्यो ।
प्रतियोगिताकै उत्कृष्ट खेलाडी एबरोल टीएमटी लुम्बिनी यात्रिजका बसिर अहमद घोषित भए भने उत्कृष्ट ब्याट्सम्यान पप्पु कन्सट्रक्सन रोल्पा गोरिल्लाजका सौरभ खनाल र उत्कृष्ट बलर एनआईसी एसिया दंगाली गोर्खाजका साहिद अन्सारी घोषित भए ।
यस्तै, उदियमान खेलाडी एनआई एसिया दंगाली गोर्खाजका सदाब अन्सारी, फेयर क्याप्टेन सिद्धान्त राज शाही (पाल्पा योद्धाज), फेयर प्लेइङ टिम आशिर्वाद पेन्ट्स पाल्पा योद्धाज घोषित भयो । फाइनल खेलको म्यान अफ द म्याच सन्दिप सुनार घोषित हुनुभयो ।
यही वैशाख ३ गतेदेखि शुरु भएको प्रतियोगितामा ६ वटा टिमहरुको सहभागिता रहेको थियो ।
