दाङको देउखुरीस्थित एक सामुदायिक वन समुहका अध्यक्षलाई अवैध रुपमा काठ काटेर निकासी गरेको भन्दै उपभोक्ताले नियन्त्रणमा लिई वन कार्यालयमा बुझाएमा छन् ।
राजपुर–४ को काजोल सामुदायिक वन समुहका अध्यक्ष काम्ताप्रसाद यादवलाई अवैध रुपमा सालको काठ काटेर निकासी गरेको भन्दै उपभोक्ताले नियन्त्रणमा लिएर वन कार्यालयको जिम्मा लगाएका हुन् ।
वन समुहका उपाध्यक्ष सुरेन्द्रसिंह भण्डारीको नेतृत्वको उपभोक्ताको टोलीले वन क्षेत्रको अनुगमन गर्ने क्रममा अध्यक्ष यादवले वन समुहको क्षेत्र भित्र सालको रुख कटान गरी ट्रयाक्टरमा राखेर निकासी गर्नेक्रममा रंगे हात पक्राउ गरेको थियो ।
वन समुहका अध्यक्ष यादवसहित रा १ त १३७७ नम्बरको ट्रयाक्टरलाई वन कार्यालयमा बुझाएको एक उपभोक्ताले जनाएका छन् ।
