कैलाली जिल्लामा प्रशासनले जारी गरेको कफ्र्युको समय घट्दै गएपछि जनजीवन सामान्य बन्न थालेको छ ।

कफ्र्युको समय घटाएसँगै धनगढी र टीकापुरमा सर्वसाधारणको चहलपहल पनि बढ्न थालेको छ ।

स्थानीय प्रशासनले धनगढीमा दैनिक चार घन्टा र टीकापुरमा बिहानको समयमा कफ्र्यु हटाएको छ ।

निषेधाज्ञाको समय छोट्याउँदै स्थानीय प्रशासनले धनगढीमा आज मध्याह्न १२ बजेबाट अपराह्न ४ सम्मलाई मात्रै कफ्र्यु जारी गरेको छ ।

उता, करिब १८ दिन देखिको लगातारको तराई बन्दको कारण जनजिवन अत्यन्त कष्टकर बन्दै गएको छ । संयुक्त लोकतान्त्रीक मधेसी मोर्चा, थारुवान संघर्ष समितिको लगातारको बन्दका कारण पश्चिम तराईका २२ जिल्ला र मध्यपुर्वी तराईका अधिकांश जिल्ला प्रभावित भएका छन् ।

विभिन्न माग राख्दै थारुहट तथा तराईमा केन्द्रित राजनितिकदलहरुको आन्दोलनले उग्ररुप लिएपछि सरकारले केहि क्षेत्रलाई दंगाग्रस्त क्षेत्र घोषणा गरि सुरक्षा संवेदनशीलता बढाएको छ ।

यसैबिच आन्दोलनमा रहेका पार्टीलाई सरकारले बारम्बार बार्ताका लागि आह्वान गरिरहेको छ । प्रधानमन्त्री शुसिल कोइरालाले बार्ताको माध्ययमबाट समस्या समाधान गर्न भन्दै बार्ताको लागि आह्वान गरिए पनि आजसम्मका बार्ताहरु भने सार्थक बन्न सकेका छैनन् ।