जाजरकोट, १६ भदौ । ढुङ्गाखानीमा च्यापिएर जाजरकोट जिल्लामा दुई जनाको मृत्यु भएको छ ।
आज बिहान ८ बजे घर छाउने ढुङ्गाको खानीमा पहिरो जाँदा दह गाविस–८ का ३५ वर्षीय कालीबहादुर दमाईं र ४२ वर्षीय नरीमान दमाईंको च्यापिएर मृत्यु भएको स्थानीय शासन तथा सामुदायिक विकास कार्यक्रममा सामाजिक परिचालक कासीराम न्यौपानेले जानकारी दिनुभयो ।
यो खानीमा विगतमा पनि यस्ता घटना घट्ने गरेका छन् । जिल्ला प्रहरी कार्यालयका प्रमुख दानबहादुर मल्लले घटनाको पुष्टि गर्नुभयो । रासस
