नेकपा एमालेका बरिष्ठ नेता झलनाथ खनालले अहिलेको सात प्रदेशको प्रस्ताव दिगो र टिकाउ नहुने बताउनु भएको छ ।
सवैको विचमा सहमति भएकाले आफुले मान्न वाध्य भएको बताउदै बरिष्ठ नेता खनालले नेपालका लागि पाँच प्रदेश नै सवै भन्दा उपयुक्त हुने दावी गर्नु भयो ।
संघियताले नेपाललाई स्वर्ग बनाउछ भन्ने आफुलाई लाग्दैन, गृहयुद्ध तर्फ गएर संघियता असफल हुन सक्छ, उहाँले भन्नु भयो ।
नेपालवाणी नेटवर्कको वाणीवहसमा वोल्दै बरिष्ठ नेता खनालले संघियताका नाममा अहिले जनतालाई दुःख दिने काम भईरहेकाले यस्ता गतिविधि लामो समय सम्म भईरहेमा आफु संघियताकै विपक्षमा उभिने स्पष्ट पार्नु भयो ।
उहाँले संसारमा धेरै देशहरु एकात्मक तरिकाले पनि राम्रैसंग चलेको चर्चा गर्दै नेपालका लागि संघियता अत्यावश्यक नभएको बताउनु भयो ।
पुर्वप्रधानमन्त्री समेत रहनु भएका खनालले माओवादीले ल्याएको जातिय नाराकै कारण मुलुक द्धन्द्धमा फस्दै गएको आरोप लगाउनु भयो ।
