बाँके जिल्लाका ग्रामीण क्षेत्रमा अझै पनि एम्बुलेन्स सेवाको पहुँच पुग्न सकेको छैन। विभिन्न सङ्घसंस्थाले सेवाका लागि भनेर सञ्चालनमा ल्याइएका एम्बुलेन्स ग्रामीण क्षेत्रमा जान नमान्ने गरेका कारण पनि सेवाग्राहीले सेवा नपाएका हुन् । जिल्लामा रहेका एम्बुलेन्स सदरमुकाम नेपालगन्जमै केन्द्रित हुँदा झनै समस्या भएको स्थानियको भनाई छ ।
बाँकेमा विभिन्न सङ्घसंस्थाका २४ वटा एम्बुलेन्स छन् । तीमध्ये २१ वटा एम्बुलेन्स सञ्चालनमा छन् ।
जिल्लाका सबै ठाउँमा सडकको राम्रो पहुँच नभएर पनि एम्बुलेन्स जान मान्दैनन् । जिल्लाको विकट क्षेत्र मानिने राप्तीपारी क्षेत्रका नौ गाविसमा अहिले पनि एम्बुलेन्सको पहुँच नभएको स्थानियको गुनासो छ ।
बाटोको कारण देखाउँदै चालकले राप्तीपारी एम्बुलेन्स लैजान नमान्ने गरेको सेवाग्राहीको भनाई छ । जिल्ला रेडक्रस कार्यालय बांँकेका दोलखबहादुर डाङ्गीले भने सदरमुकाममा भन्दा पनि ग्रामीण क्षेत्रमै एम्बुलेन्सको आश्यकता रहेको बताउनुभयो ।
