हो
मलाई बाँड्यौ
केहि छैन,
मेरो अंग अंग टुक्रयाउ
मेरो सर्वाङ्ग भाग लगाउ
तर बिन्ति …
मेरो मन,मुटु नटुक्र्याउ
म,उही आमा बनेर
मेरा सन्ततीहरुलाई समेट्न चाहन्छु
म उही कोखमा मेरा सन्तानहरुलाई
स्याहार्न चाहन्छु।
आखिर म आमा न हुँ
मेरो बक्षस्थलमा सबै सन्तानका
ओंठहरुको घस्रन छ
मेरो पाठेघरमा सबै सन्तानको
बासको अस्तित्व छ
त्यसैले…,
म कहाँ यी सन्तानहरुलाई
लुच्छाचुँडी गरेको देख्न सक्षम छु?
त्यस्तै..,
म कसरी मेरै आँखाका नानीहरू
बिभेद्तामा अल्मलिएको सहन
सामर्थ्यवान छु?
तरपनि ठिकै छ
म आमा हुँ,
चिथोर, चिमोट, लुछ
तर बिन्ती मेरो मन,मुटु
टुक्रा नपार,
मेरो न्यानो काखमा
अंशबण्डाको रेखांकन नकोर
म आमा हुँ
मलाई विभाजनको मानचित्रमा
पलायन गर्न नखोज
बस् म’त चाहन्छु
म आमा एक
मेरा सन्तती अनेक!
