अनलाईननेपालगंज डटकम :
संजय तामाङ यो नाम सुन्दा सबैलाई नौलो लाग्न सक्छ किन भने नेपाली गीत सांगीतिक क्षेत्रमा यो नाम यति बेला नया नै हो । उनि नया प्रतिभा मध्यको एक व्यक्ति भन्दा फरक पर्दैन । उनको पाईला अब नेपाली गीत संगीतमा प्रवेश गर्ने तयारीमा रहेको छ । धेरै दुख, साधना र अनुभव तथा ज्ञान बटुलेर उनि गीत सांगीतिक क्षेत्रमा लाग्नको लागि तम्तयार भएको बसेको पाईएको छ । हुन त उनले गीत संगीतलाई बुझेर आत्मसाथ गरेको मात्र २ बर्ष बित्यो तर उनले गरेको मेहेनत र प्राप्त गरेको अनुभवले उनलाई केहि फरक बनायो । हाल उनि नेपालमा होइन मलेसियामा रहेका छन् । उनको सांगीतिक यात्रा पनि करिब २ बर्ष अगाडी देखि मलेसियाबाट नै सुरु भएको हो ।

उनको बारेमा कुरा अलिक खुलेर गर्ने हो भने नेपाली गीत संगीत प्रति उनको लगाव बाल्यकाल देखि नै हो । तर धेरै समस्याको कारण उनले पहिला नै आफ्नो इच्छा पुरा गर्न सकेनन । उनको सोहि सपना मलेसियामा गएर पुरा भयो । मलेसियामा पनि उनले ज्ञान र अनुभव बटुलेर मात्रै यस क्षेत्रमा हात हालेको देखिन्छ । उनको सांगीतिक यात्राको कुरा गर्ने हो भने करिब २ बर्ष बित्यो । मलेसियामा उनको राम्रो चर्चा । अझ भन्नु पर्दा उनको गाउने शैली र उनको स्वरको औधि चर्चा हुने गर्छ । मलेसियामा आयोजना हुने प्राय कार्यक्रममा उनको उपस्थिति हुने गर्दछ । त्यहाँ उपस्थित दर्शकहरु माझमा उनले आफ्नो प्रतिभा देखाउने गरेको र सबैबाट प्रशंसा बटुल्ने गरेको पनि खबर प्राप्त भएको छ ।

यस्तै उनले मलेसियामा नै रहेको रोधी घरहरुमा समेत गीत गाउने थाले जहाँबाट उनको चर्चा अझ बढी हुँदै गर्यो । उनको गाउने शैली र उनको स्वर दुबैको जादु दर्शक श्रोता माझ चल्यो । यस्तै उनले मलेसियामा नै रहेको केबल म तिम्रो लागि नामक रोधी घरले सम्मानित समेत गरेको थियो । उनि लोक दोहोरी क्षेत्रमा पनि निकै खरो उत्रिए । उनि मलेसियामा बसेको करिब ३ बर्ष बितिसक्यो तर यहि ३ बर्षको समयमा उनले धेरै नै उपलब्धि हासिल गरे । उनको गाउने शैली र फरक स्वरको कारण उनलाई धेरै तामाङ गीतहरुमा समेत गाउनको लागि अवसर आइसकेको छ । अबको केहि समय पश्च्यात उनको स्वरमा नया तामाङ गीतहरु पनि सार्वजनिक हुने उनले जानकारी दिएका छन् । उनले नेपाली गीत संगीतमा आफ्नो यात्राको बिषयमा बोल्दै आफु लामो समय संग लाग्नको लागि नै यस क्षेत्रमा पाईला राखेको र आफ्नो पाईला आफ्नो सांस नरोकिने सम्म चालिनै रहने समेत प्रतिबद्धता जाहेर गरे ।

केहि समय लगाएर नै होस तर राम्रो प्रस्तुति दिने सोचका कारण उनको पहिलो गीत अब रिलिजको तयारीमा छ । सांगीतिक यात्रा सुरु गरेको २ बर्ष पछि मात्र उनि यसरी अगाडी आउन खोजेको कारण आफुले धेरै कुरा सिक्न बाँकी रहेको र सहि साधना र ज्ञानको साथमा मात्र अगाडी आउन आफ्नो सोच रहेको भन्दै अहिले बल्ल आफु तयार भएको अनुभूति भएर दर्शक श्रोता माझ अफिसियल रुपमा आउन लागेको उनको भनाई रहेको छ । उनको अब सार्वजनिक हुने तयारीमा रहेको पहिलो गीतको बोल भने “मनमा बास मागी” रहेको छ । उनको यस गीतमा स्वयम उनको स्वर र बिनय केटुको संगीत र अरेन्ज रहेको छ । गीतको भिडियोको छायांकन समेत केहि दिन अगाडी समाप्त भईसकेको छ । पहिलो गीत आधुनिक शैलीमा निर्माण गरेको र सके सम्म राम्रो बनाउने प्रयास आफुबाट गरेको उनको धारणा छ । तर अबको दिन दर्शक श्रोताको साथ र माया आफुलाई निकै खाँचो हुने हुँदा उनले सबैलाई आफुलाई हौसला र सल्लहा सुझाब दिनुहुन समेत हृदय देखि नै अनुरोध गरेका छन् ।