प्राय जसो नया प्रयोग गर्न रुचाउने गीतकार तथा मोडल दर्पण राईले यसपटक फेरी यस्तै नया प्रयोग गर्ने कोशिश गरेका छन् । प्रशंग हो उनको नया गीतको जसमा अहिले सम्मकै केहि फरकपन अनुभूति गर्न सकिन्छ । केहि दिन अगाडी मात्र उनले आफ्नो नया गीत “यो मुटु दुख्छ किन” बोलको गीत बजारमा सार्वजनिक गरेका छन् । उनको शब्दमा र संगीतमा तयार भएको यस गीतमा गायक राजेश पायल राईले स्वर भरेका छन् । गीतमा टेकेन्द्र याक्सोको अरेन्ज रहेको छ ।

गीत निकै सुन्दर र मर्मशील रहेको छ । उसै पनि उनलाई मन छुने शब्द लेख्ने गीतकारको सुचिमा राखिन्छ । “तिम्ले बाटो फेरेउ अरे”, “तिम्ले बाटो फेरेउ अरे २” यो संगै उनका थुप्रै गीत हिट लिस्टमा समावेश भईसकेको छ । यसपटक उनको गीत जति फरक छ उति नै फरक भिडियो बनेको छ । उनको गीतको भिडियोलाई फिल डान्स भिडियोको उपनाम दिईएको छ । शान थापाको निर्देशन, अनिल के मानन्धरको छायांकन र सुप्रिम पराजुलीको सम्पादन रहेको भिडियोमा भारत देखि नेपाल सम्म नाम चलाएका डान्सर सुशान्त खत्रीको अत्ति नै सुन्दर डान्स रहेको छ ।

उसै पनि उनलाई भावना बगेर गीतको हरेक शब्दमा डान्स गर्न सक्ने डान्सरको रुपमा चिनिने गरिन्छ । उनको यहि परिचय उनले यस भिडियोमा पनि देखाएका छन् । सुशान्तले गीतको हरेक शब्दलाई आफ्नो डान्सबाट बयान गर्ने कोशिश गरेका छन् । हेर्दा नै फरक र रमाइलो लाग्ने यस भिडियोले धेरैको मन छुने देखिन्छ । युटुबमा रिलिज भए संगै निकै राम्रो प्रतिक्रिया यस गीत र भिडियोले प्राप्त गरिरहेको छ । हेर्नुस भिडियो :