अनलाईननेपालगंज डटकम :
आफ्नो कलाले दर्शकको मन रिझाउनु सामान्य कुरा होइन | यो शब्द वा वाक्य विश्वोको सबै कला क्षेत्रमा लागु हुन्छ | नेपाली कला क्षेत्रमा त यो अधिकतम लागु नै हुन्छ | कलाकारको भिड यहाँ धेरै मात्रामा भैसक्यो भने अझै बढ्ने क्रम तीव्र नै छ | सबैको आफ्नो क्षेमता हो सम्भवत यहि कारण मोडल तथा डान्सर राज तामाङ केहि नया सोच बोकेर नेपाली कला क्षेत्रमा लागिपरेका छन् | उनले आफ्नो शत प्रतिशत प्रस्तुति दिएर दर्शक रिझाउने प्रयास गरिरहेका छन् |

केहि हदले उनि सफल पनि भएका छन् भने आगामी दिन उनको यात्रा कस्तो होला यो पनि एउटा प्रश्न खडा हुन्छ | राज तामाङ अभिनित “जेबा जेबा छामे” बोलको तामाङ भाषामा तयार गीतको भिडियो हिजो मात्र रिलिज भएको छ | भिडियोमा राज तामाङ संगै पुसन लामा र सुसिम घलानको पनि अभिनय रहेको छ | शम्भु मोक्तान तामाङको निर्देशनमा तयार भएको भिडियोमा कोष बोम्जनले निकै राम्रो क्यामरा चलाएका छन् भने सम्पादन कार्य बिक्रम लामा (तामाङ) राम्रो गरेका छन् |

भिडियोमा राज र पुसनको नृत्य मुख्य केन्द्र बिन्दु बनेको छ | धेरैले त्यहिबाट नै मनोरंजन लिइरहेको अनुमान सजिलै लगाउन सकिन्छ | अहिले भिडियोले युटुबमा राम्रै प्रतिक्रिया हासिल गरिरहेको छ | डबिन्द्र तामाङको शब्द, जोगलाल लामाको संगीत र जीवन तामाङको स्वरमा यो गीत तयार भएको हो | हुन त भाषागत हिसाबले हेर्दा धेरैलाई यो गीत बुझ्न केहि समस्या हुन सक्छ तर गीत सुन्दा आफैमा धेरै रमाइलो खालको रहेको छ |

हेर्नुस भिडियो :