अनलाईननेपालगंज डटकम :
एक पछि अर्को म्युजिक भिडियो नेपाली दर्शकहरुलाई प्रस्तुत गर्दै आईरहेका एक कलाकारको नाम हो पदम लामा | पदम लामा भन्दै गर्दा धेरै जनाको मनमा केहि किसिमको कौतुहलता आउन सक्छ | को हुन् त यिनी के हो यो व्यक्तिको परिचय र पहिचान यो यति बेला धेरैको अगाडी खुलेको छैन | हुन त उनले अहिले सम्म धेरै नै म्युजिक भिडियोमा आफ्नो अभिनय कौशलताको क्षेमता देखाईसकेका छन् तर उनको वास्तविक परिचय उनले यस क्षेत्रमा बिगतमा गरेको दुख भने बाहिर खुलेको छैन | आज हामी यहि कुराको चिरफार गर्दैछौ | पहिला उनको कामको कुरा गरौ | अभिनयमा लुप्त भएर उनि एकबद्ध हिसाबले अगाडी बढिरहेका छन् | म्युजिक भिडियोमा उनको अभिनयको छुट्टै चर्चा हुने गर्दछ | अरु कलाकार भन्दा फरक अभिनय गर्ने शैलीले उनलाई धेरैको आँखामा बस्न सफल भन्यो | उनको कामको कुरा गर्ने हो भने अहिले सम्म उनले करिब ७ वटा भन्दा बढी गीतको भिडियोमा अभिनय गरिसके । त्यस मध्य उनको ५ वटा भिडियो भने रिलिज भईसकेको छ ।

उनको २ वटा भिडियो रिलिजको तयारीमा रहेको छ । उनको भनाई अनुसार अब छिट्टै नै उक्त भिडियो पनि दर्शकहरु माझ आउने छ । उनि मलेसिया बस्न थालेको करिब ३ बर्ष बितिसक्यो । विदेशको दुख आफ्नो ठाउँमा छ र समय पनि उत्तिकै खर्चिलो तर पनि उनले भरपुर कोशिश गरेर म्युजिक भिडियोको लागि आफ्नो ब्यस्त जीवनबाट पनि समय निकालेका छन् । यो सुन्दा निकै चुनौतीपूर्ण लाग्छ । तर वास्तवमा सत्यता नै यहि हो । यो सुन्दा अस्वाभाविक लाग्ने कुरालाई पदम लामाले भने गर्न सकिन्छ भनेर प्रमाणित गरेर देखाई दिए | यो सबै कुरा सम्भव कसरी भयो त यो पनि एउटा प्रश्न नै बनेको देखिन्छ | सरसर्ती हेर्ने हो भने उनको यात्रा बाल्यकाल देखि नै सुरु भएको हो | उनिमा सानैमा एक किसिमको अभिनयको छाप बसिसकेको थियो तर त्यसले पूर्णता भने पाउन सकेको थिएन | प्रयास उनले नगरेका होइनन तर समयले त्यति बेला उनलाई साथ दिएन | सिधै भन्ने हो भने नेपालमा हुँदा उनको अभिनय यात्राले सहि मार्ग दर्शन पाएन |

समयको बेगले उनलाई खाडी मुलुक मलेसियाको बाटो देखायो | बाध्यता भन्ने या भाग्यको खेल उनि मलेसिया उडे | उनलाई आफ्नो सपनाको ठुलो चिन्ता थियो | नेपालमा हुँदा पुरा हुन नसकेको सपना अब विदेशमा झन् के पुरा होला भन्ने निकै ठुलो डर उनको मनमा उब्जिएको थियो | मलेसिया पुगे केहि समयको अन्तरालमा समयले कोल्टे फेर्यो | साथी भाईको सहयोग र प्रेरणा र मौकाले उनलाई साथ दियो जसको कारण सहि ढंगले उनको अभिनयको यात्रा त्यहिबाट सुरु भयो | माथि उल्लेखित बाध्यता र भाग्यको खेल भन्ने प्रश्नको जवाफ अब भाग्यको खेलमा आएर अड्कियो | मलेसिया नै उनको सपनाको बाटोको सहि मार्ग दर्शन देखियो | मलेसियामा उनले धेरै अवसर प्राप्त गरे | उनले मौकाको सहि सदुपयोग गरे र आज यो स्थानमा आइपुगे |


विदेशको दुख सबैलाई थाहा नै छ | यो थाहा हुँदा हुँदै पनि के पदम लामाले कला क्षेत्रमा आफ्नो समय कसरी खर्चे होला भन्ने ठुलो प्रश्न अगाडी आउदैन र अवश्य पनि आउछ | तर यो असम्भव कुरालाई पदम लामाले सजिलै संग सम्भव बनाएर देखाए जसको कारण उनि सबैको लागि उदहारणको पात्र बने | मलेसियामा त्यस्ता धेरै नव प्रतिभाहरुको रहेका छन् जसको छिट्टै नै यस क्षेत्रमा इन्ट्री हुदै पनि छ | ती त्यस्ता नया प्रतिभालाई प्रोत्साहन दिने काममा पनि पदम लामाको नाम अगाडी नै आउछ | मलेसियामा हुने अधिकांश सांस्कृतिक कार्यक्रममा समेत उनको उल्लेखनीय उपस्थिति हुने गरेको छ | मलेसियामा रहेका दर्शकहरु माझ पदम लामाले आफ्नो फरक पहिचान बनाईसके भने नेपालमा रहेका दर्शकहरुको पनि मन जित्ने क्रममा उनि रहेका छन् | अहिले सम्म विभिन्न म्युजिक भिडियोमा अभिनय गरिसकेका उनको चलचित्रमा काम गर्ने पनि धोको छ |

तर उनको उक्त धोको कहिले पुरा हुने हो त्यो समयले नै बताउने छ | तर अहिले भने उनि म्युजिक भिडियोको करियरमा नै ब्यस्त रहेका छन् | सिन्धुपाल्चोकमा जन्मेका उनले आफ्नो ठाउँको पनि नाम राखे | पछिल्लो समय उनको एक पछि अर्को म्युजिक भिडियो रिलिज भईसकेको छ भने अरु थुप्रै म्युजिक भिडियो रिलिजको तयारीमा रहेको उनले बताएका छन् | उनले आफ्नो पहिलो प्राथमिकतामा नै अभिनय रहेको उनले बताए | उनले आफ्नो लागि यो निकै महत्वोपूर्ण रहेको र यसमा नै आफु निरन्तर लामो समय संग लागिरहने प्रतिबद्धता समेत जाहेर गरेका छन् | तर उनले आफुलाई दर्शकहरुको साथ र हौसला नमिले सम्म आफ्नो यात्रा अधुरो नै रहने उनको ठम्याई रहेको छ | यसकारण उनले सम्पूर्ण नेपाली दर्शकहरुलाई आफ्नो प्रस्तुति हेरेर आफ्नो कामको सहि मुल्यांकन गरेर उचित सल्लहा सुझाब र प्रतिक्रिया र अगाडी बढ्ने हौसला समेत प्रदान गरिदिनुहुनको लागि सबै दर्शकहरुलाई आग्रह गरेका छन् | यस्तै उनले आगामी दिनमा पहिलेको भन्दा राम्रो राम्रो म्युजिक भिडियो लिएर आउने विश्वास समेत ब्यक्त गरेका छन् |

हेर्नुस भिडियो :