अनलाईननेपालगंज डटकम :
लामो समय देखि नेपाली म्युजिक भिडियो क्षेत्रमा संगर्ष गर्दै एक पछि अर्को म्युजिक भिडियो दर्शक माझ प्रस्तुत गर्दै आएका मोडल पवन थिङको नया म्युजिक भिडियो यति बेला रिलिज भएको छ । सम्पूर्ण छायांकन मलेसियाको सुन्दर वातावरणमा गरिएको भिडियोमा पवन संगै सुस्मा लिम्बुको पनि अभिनय रहेको छ । यी २ को जोडी पहिलो पटक यस म्युजिक भिडियोमा बाधिएको हो । तर दुवैको अभिनयले भने राम्रो नतिजा नै दिएको छ । रोमान्टिक र आधुनिक भर्सनलाई मिलाएर तयार पारिएको “मनमा बास मागी” बोलको यस गीतमा भने नव गायक संजय तामाङको स्वर समावेश रहेको छ ।
यस्तै यस गीतमा ए.जे एन.के आर्याको शब्द र बिनय केटुको संगीत र अरेन्ज रहेको छ । नव गायक संजय तामाङको भने यो गीत नै नेपाली सांगीतिक क्षेत्रमा डेब्यु हो । उनको सांगीतिक करियर अफिसियल रुपमा भने यसै गीत मार्फत नै सुरु भएको छ । आफ्नो पहिलो प्रस्तुतिमा नै उनले सक्दो न्याय गर्ने प्रयास गरेको पनि देखिएको छ । गीत उत्तिकै राम्रो भईरहँदा यता गीतको भिडियोले भने गीतमा अझ बढी रौनक थपेको छ । भिडियोको स्तर र कलाकारको अभिनय भिडियोको उत्कृष्ट भाग हो । दुर्गा बान्तवा राईको छायांकन र निर्देशन रहेको भिडियोमा ललित सिंह साउदको सम्पादन रहेको छ |
एक पछि अर्को म्युजिक भिडियो दर्शक माझ प्रस्तुत गरिरहेका मोडल पवन थिङ भने आगामी दिनमा यो भन्दा अझै राम्रो म्युजिक भिडियो लिएर आउने र आफ्नो अभिनय क्षेमतामा पनि अझ बढी निखारता लिएर आउने उनले विश्वास ब्यक्त गरेका छन् । मलेसियामा बसेर नेपाली म्युजिक भिडियो क्षेत्रमा दुख गरिरहेका उनि धेरैको लागि प्रेरणाको श्रोत पनि बनेका छन् । यसै गरि उनले आफुलाई दर्शकहरुको माया र साथको जरुरत रहेको भन्दै आफ्नो कामको सहि मुल्यांकन गरि उचित सल्लहा सुझाब र प्रतिक्रिया दिनुहुन समस्त नेपाली दर्शकहरुलाई आग्रह समेत गरेका छन् ।
हेर्नुस भिडियो :
