अनलाईननेपालगंज डटकम :
नव गायक संजय तामाङको स्वरमा सजिएको मनमा बास मागी बोलको गीतको भिडियोको छायांकन यति बेला सकिएको छ । केहि दिन अगाडी मात्र मलेसियामा उक्त भिडियोको छायांकन गरिएको छ । गीतको भिडियोमा मोडल पवन थिङको अभिनय रहेको छ । भिडियोमा उनि संग मोडल सुस्मा लिम्बुको जोडी बाधिएको छ । भिडियो छायांकनका केहि तस्बिरहरु यति बेला बाहिर सार्वजनिक भएको छ ।
भिडियोको छायांकन तथा निर्देशन दुर्गा बान्तवा राईले गरेका हुन् । यस्तै भिडियोको सम्पादन भने ललित सिंह साउदले गरेका हुन् । यति बेला भिडियोको सम्पादनको काम धमाधम भईरहेको छ । प्राप्त जानकारी अनुसार अबको केहि दिनमा नै भिडियो रिलिज हुनेछ । लामो समय देखि मलेसियामा कामको शिलशिलामा रहेका मोडल पवन थिङ अभिनित यो अर्को नया म्युजिक भिडियो हो ।
उनि अभिनित धेरै म्युजिक भिडियो बजारमा आईसकेको छ । हरेक पल्ट फरक फरक म्युजिक भिडियोमा काम गरेका उनले यसपटकको अनुभव अरु भन्दा बेग्लै रहेको बताएका छन् । यस्तै उनले यसपटकको आफ्नो प्रस्तुतिलाई पनि दर्शकहरुले पहिले जस्तै नै माया र साथ दिनुहुने विश्वास समेत उनले ब्यक्त गरेका छन् ।
