गाेरखा, मंसिर २३ – नयाँ शक्ति पार्टीका संयोजक डा. बाबुराम भट्टराई गोरखा क्षेत्र नम्बर–२ बाट निर्वाचित भएका छन्।
नेकपा माओवादी केन्द्रका प्रभावशाली नेता नारायणकाजी श्रेष्ठ प्रकाशलाई ६ हजार ८ सय ७४ मतले पराजित गर्दै भट्टराई निर्वाचित भएका हुन्।
पूर्व प्रधानमन्त्री भट्टराईले ३१ हजार ८ सय ७ मत प्राप्त गरेका छन्। नेता प्रकाशले २४ हजार ९ सय ३३ मत ल्याएका छन्।
गोरखा क्षेत्र नम्बर–२ को ‘क’मा लोकतान्त्रिक गठबन्धनबाट नयाँ शक्ति पार्टी नेपालका हरिशरण आचार्य विजयी भएका छन्। क्षेत्र नम्बर २ को ‘ख’मा लोकतान्त्रिक गठबन्धनबाट नेपाली कांग्रेसका प्रकाशचन्द्र दवाडी विजयी भएका छन्।
यसैबीच, माअाेवादी नेता श्रेष्ठले अाफ्ना पूर्वसहयाेद्धा डा. भट्टराईलाई फोन गरेर जीतका लागि बधाई दिएका छन्।