पेरिस । फ्रान्सको राजधानी पेरिसको उत्तरी भागमा बुधबार बिहान भएको आगलागीमा परी कम्तीमा ८ जनाको ज्यान गएको जनाइएको छ ।
पेरिसको प्रहरीले दिएको जानकारीअनुसार सो आगलागीमा भएको थियो । आगलागीमा केही बालबालिका पनि परेका छन् । तर, कतिजना बालबालिका छन् भन्ने बारेमा भने खुलेको छैन । उक्त अपार्टमेन्टको अठारौँ तल्लामा बिहान करिब साढे चार बजे सो दुर्घटना भएको थियो । उक्त दुर्घटनाको पूर्ण विवरण भने आउन सकिरहेको छैन ।
फ्रान्सका गृहमन्त्री बर्नाड क्याजेनोभ र प्रहरी प्रमुख माइकेल क्याडोटले आफूहरु घटनास्थलमै भएको जानकारी दिए । घटनाको कारण खुलेको छैन । आगलागी कसरी हुनपुग्यो भन्ने बारेमा अनुसन्धान जारी रहेको बताइएको छ । (एएफपी)
