टर्की र सिरियामा गत सोमबार बिहान गएको ७.८ रेक्टरको  शक्तिशाली भूकम्पबाट अहिलेसम्म मृतकको संख्या ३४ हजार नाघेको  छ ।  भूकम्पमा परी भग्नावशेषमा पुरिएका मानिसहरूलाई जीवित भेट्ने आशा क्षीण हुँदै गए पनि उद्दारटोलीले धेरैलाई जिवितै उद्दार गरेको अधिकारीहरूले जनाएका छन् । अझै थुप्रै पुरिएको शंका गरिएको छ । 

भूकम्पले मध्यपूर्वका चार देश टर्की, सिरिया, लेबनान र इजरायललाई हल्लाएको थियो । लेबनान र इजरायलमा भूकम्पको धक्का महसुस गरिए पनि कुनै क्षति भएन ।

भूकम्पका कारण टर्की र सिरियामा ठुलो क्षती भएको अन्तर्राष्ट्रिय समाचार संस्था सिएनएनले जनाएको छ । सिएनएनका अनुसार अहिलेसम्म टर्की सिरियामा ३४ हजार १७९ जनाको मृत्यु भएको पुष्टि भएको छ । दुबै देशका घाइतेको  संख्या १ लाख माथि  रहेको जनाइएको छ । मृतकको संख्या ५० हजार बढी हुने अनुमान समेत गरिएको छ ।

भूकम्पका कारण अझै धेरैको ज्यान गएको हुन सक्ने अनुमान गरिएको छ । स्थानीय समय अनुसार सोमबार  बिहान ४:१७ मा गाजियनटेप सहर नजिक१७.९ किलोमिटर (११ माइल) गहिराईमा ७.८ रेक्टर स्केलको भूकम्प गएको अमेरिकी भौगर्भिक सर्वेक्षणले जनाएको छ । त्यस क्षेत्रमा ठुलो संख्यामा उद्दार टोली परिचालन गरिएको छ । क्षतिको विवरण आउन क्रम जारी नै  छ ।