प्रेम गीत ३ को नायिकाको लागि भइरहेको अडिसन सकिएको छ। अडिसन सकिए संगै टप ५ छानिएको र सोको बारेमा केहि दिनमा पत्रकार सम्मेलन गरेर जानकारी दिने निर्माण टिमले जनाएको छ। लगातार ३ दिन सम्म चलेको अडिसनबाट उत्कृष्ट ५ जना चुन्ने काम भएको निर्माता सन्तोष सेनले बताएका छन्।
दैनिक ६ जनाको दरले ३ दिनमा १८ जनाको अडिसन लिइएको छ भने बाँकी देश बाहिर रहेकाहरुलाई अनलाईन अडिसन लिन लागिएको सेनको भनाई रहेको छ। काठमाण्डौँको त्रिपुरेश्वर स्थित वल्र्ड ट्रेड सेन्टरमा भव्य सेटको विचमा गरिएको अडिसनमा पछिल्लो समयका चर्चित अनुहार देखि नयाँ अनुहार सम्मकाले अडिसन दिएका थिए।
यस मध्ये उत्कृष्ट ५ जना छानेर उनीहरुको प्रस्तुती सहित कार्यक्रम मार्फत गीत घोषणा गरिने निर्माण टिमले जनाएको छ। अडिसनमा आएका सम्पुर्ण प्रतिस्पर्धीहरु उत्कृष्ट भएको र उहाँहरुको प्रतिभाले आफूहरुलाई प्रभावित पारेको निर्देशक छेतेन गुरुङले बताए।
यस वर्षको अन्तिममा रिलिज हुने सिनेमा प्रेमगीत ३ को नायिका फाइनल भए लगत्तै अन्य कलाकारहरुसंग औपचारिक रुपमा अनुबन्धित गर्ने काम हुने र दशैबाट छायांकनमा जाने छ।
अडिसनका केही तस्विरहरु:
