स्काइफल ‘मिस नेपाल पिस २०७५’ का प्रतियोगीले बे्रष्ट क्यान्सर सम्बन्धी एकदिने जनचेतना कार्यक्रममा सहभागीता जनाएका छन् ।
बिश्व स्वस्थ्य दिवसरको अवसर पारेर आइतबार भक्तपुर दरबार स्क्वार क्षेत्रमा आयोजित क्यान्सर सम्बन्धी जनचेतना कार्यक्रममा उनीहरुले सहभागीता जनाएर क्यान्सरको बारेमा जनचेताना जगाएका हुन् ।
नेपाल ब्रेष्ट क्यान्सर फाउन्डेसनका अध्यक्ष सुनिता हिराचनको संयोजकत्वमा प्रतियोगीहरु दरबार स्क्वारक्षेत्र आसपासका घर–घर पुगेर क्यान्सर सम्बन्धी चेतना जगाएका थिए ।
‘क्यान्सर के हो । कसरी लाग्छ । यो बाट बच्न के गर्न सकिन्छ भनेर बिभिन्न बिषयको ज्ञान प्रतियोगीले घर दैलोमा पुगेर बाँडेको नेक्स्ट मोडल्सका अध्यक्ष रवी धमलाले बताउनुभयो । प्रतियोगिलाई सामाजिक उत्तर दायित्व बहन गराउन यस्तो कार्यक्रममा सहभागी गराईएको धमलाको भनाई छ ।
‘सशक्त महिला, सबल राष्ट्र’ भन्ने मुख्य नारासहित स्वास्थ्य पेसासँग सम्बन्धित यो एक मात्र सौन्दर्य प्रतियोगिता हो । अन्तराष्ट्रिय स्तरमा शान्ति सन्देश फैलाउँदै नर्सिङ पेसा रोजेका र अध्ययन गरिरहेकालाई पेसा र समाज प्रति थप उत्तरदायित्व बोध गराउने उद्देश्यले यो प्रतियोगिता विगत ६ वर्षदेखि नियमित आयोजना हुँदै आएको छ ।
पहिलो चरणबाट छानिएका २६ प्रतियोगि अहिले प्रशिक्षणका क्रममा छन् । उनीहरुले सञ्चार कला, विकास मोटिभेसन, लिडरसिप, ड्रेङ सेन्स, पब्लिक स्पिकिङ, करियर काउन्सिल लगायतका प्रशिक्षण लिइरहेको नेक्टस् मोडल नेपालका प्रबन्ध निर्देशक यतना पाण्डेले बताउनुभयो ।
प्रतियोगिताको अन्तिम प्रतिस्पर्धा आगामी बैशाख ७ गते होटल सोल्टी क्राउन प्लाजामा आयोजना हुँदैछ । जसमा शिर्ष बिजेता सहित फष्टरनर अप, सेकेन्ड रनर अपका साथमा बिभिन्न आधा दर्जन बिधामा बिजेता छानिने छन् ।
शीर्ष विजेताले एक लाख रुपैयाँ नगदका साथै अमेरिका र अष्ट्रेलिया अध्यायनका लागि छात्राबृती जित्न सक्ने आयोजकले जनाएको छ ।
