बाँकेको कोहलपुर नगरपालिका वडा नम्बर ११ बसपार्क क्षेत्रबाट पाटे बाँघको छाला, हड्डी सहित दुई जनालाई पक्राउ गरिएको छ ।
प्रदेश अनुसन्धान ब्युरो शाखा कार्यालय नेपालगंज र इलाका प्रहरी कार्यालय कोहलपुर बाँकेबाट खटी गएको प्रहरी टोलीले गोप्पे सुचनाका आधारमा आज दिउँसो पक्राउ गरेको हो ।
जसमा दैलेख गुराँस गाउँपालिका वडा नम्बर २ का ३६ बर्षिय कमल बहादुर खत्री र कंञ्चनपुर पुर्नवास नगरपालिका वडा नम्बर ४ का २० बर्षिय हरी ढकाल रहेका छन ।
उनीहरुको साथबाट ९ फिट ९ इन्च लम्बाई र २ फिट ३ इन्च चौडाइ पाटे बाँघको छाला र ५६ थान त्यसका हड्डी समेत बरामत गरी अनुसन्धान प्रक्रिया अगाडि बढाईएको इलाका प्रहरी कार्यालय कोहलपुरले जनाएको छ ।
उता कोहलपुर नगरपालिका वडा नम्बर १० हाइस्कुल नजिकबाट बिहान १० बजे तिर वान मिलियन लेखीएको युएसए डलर नोट एक थान सहित एक जनालाई नियन्त्रणमा लिईएको छ ।
जसमा जाजरकोट शिवालय गाउँपालिका वडा नम्बर ६ का २९ बर्षिय चक्र बुढा रहेका छन । उनीमाथी अहिले प्रहरीले अनुसन्धान गरिरहेको जनाईएको छ ।
