विश्व ठकुरी समुदायको साझा थलो ठकुरी सहयोग संजाल बाके साखाले आर्थिक अवस्था कमजोर भएकी एम बि बि एस अध्यनरत खजुराकी प्रतिमा शर्मालाई आर्थिक सहयोग गरेको छ । संजालको समूह प्रतिमाको घरमै पुगेर वडा अध्यक्षको उपस्थितीमा उनको परिवारलाई सहयोग रकम हस्तान्तरण गरेको थियो ।
सामुदायिक बिधालय ज्ञानोदय माबी खजुराबाट माध्यमिक शिक्षा पूरा गरेकी प्रतिमाले त्रिभुवन विस्वबिधालय अन्तर्गत चिकित्सा आध्यनको लागि पूर्ण छात्रावृतीमा नाम निकाले पनि उनको अन्य आधारभुत खर्चको लागि आर्थिक अभाव रहेकोले सहयोग गरेको ठकुरी सहयोग संजाल बाकेले बताएको छ । उनको आधारभुत खर्चको लागि संजालले २१ हजार १ सय ११ रूपैया सहयोग रकम उनका बाबु मदन ढुंगाना र आमा सीता शर्मालाई वडा अध्यक्ष तिलकबीर सुनुवारको उपस्थितिमा हस्तान्तरण गरेको हो । वडा अध्यक्ष सुनुवार सहयोग रकम संकलनका अगुवा समेत हुन ।
ठकुरी सहयोग संजालको तर्फबाट संजालका प्रदेश न ५ प्रमुख संयोग जङ्ग शाह, बाके जिल्ला अध्यक्ष दीपक बहादुर शाही, बरिष्ठ उपाध्यक्ष बिस्णु सिंह ठकुरी, महासचिव किष्ण मल्ल, सचिव युवराज शाह, कोषाध्यक्ष अरुण बिक्रम शाह तथा प्रवक्ता युवराज जङ्ग शाह लगायतको टोली प्रतिमा शर्माको निवास पुगेको थियो ।
ठकुरी जातीले सधै सामुहिक र सामुदायिक हितको लागि सोच्ने हुदा जातियता भन्दा माथी उठेर शर्माको शिक्षाको लागि सहयोग गरेको संजालका प्रदेश प्रमुख संयोग जङ्ग शाहले बताएका छन ।