अनलाईननेपालगंज डटकम :
राज तामाङ रामेछापका एक युवा जसले नेपाली सांगीतिक र कला क्षेत्रमा आफुलाई फरक ढंगले प्रस्तुत गरे र अहिले पनि नयापन लिएर आउने प्रयासमा रहेका छन् | अलिकति उनको परिचयमा प्रकाश पारौ | मोडल, डान्सर र नृत्य निर्देशक अहिले सम्म बाहिर खुलेका उनको कला यहि ३ विधा भित्र सिमित छ | तर यी ३ विधामा भने उनले आफुलाई निकै सशक्त रुपले नै प्रस्तुत गरेका छन् | सजिलो त अवश्य पनि छैन र हुँदैन पनि तर उनको इच्छाशक्तिले भने उनलाई मेहेनतका साथ लागिपर्न मदत गर्यो | उनको आजको सपनाको बाटो त बाल्यकाल देखि नै तय भईसकेको थियो मात्र मार्गदर्शनको अभाव थियो |
बिस्तारै युवा अवस्थामा पुग्दा उनले आफु भित्रको कला क्षेमतालाई चिने र आफ्नो गन्तव्य तय पनि गरे | नेपालबाट नै उनले सुरुवात गर्ने अधिकतम प्रयास गरे | धेरै समस्याले उनलाई अल्झायो | उनको हरेक प्रयास असफल हुँदै गयो | कताकता उनको मन आत्तिएको पनि हो तर उनले जसोतसो मनलाई सम्हाले | नेपालमा त्यो समय उनको लागि सहि समय नै रहेका जसको फलस्वरूप उनले परदेशको बाटो रोजे | त्यो उनको बाध्यता पनि थियो तर मनमा कतै अवसरको बाटो यहिबाट नै खुल्छ कि भन्ने झिनो आशा पनि थियो उनको मनमा | आफ्नो सपना जसलाई उनले बाल्यकाल देखि नै बुनेका थिए मनको भित्रि कुनामा लुकाएर उनि मलेसिया लागे |
आज ९ बर्ष बितिसक्यो उनको मलेसियामा | ९ बर्ष मलेसियामा बिताईरहंदा कला क्षेत्रमा उनको प्रवेश भएको अफिसियल रुपले भने मात्रै २ बर्ष भएको छ | धेरै कुरामा दुख र संगर्ष गर्दै उनि माथि आएका छन् | उनले आफ्नो हिम्मत नहारेका उनले नै उनि आज यो स्थान सम्म आइपुगे | सजिलो उनलाई पनि थिएन चुनौती र समस्या उनको अगाडी धेरै थियो | यसकारण पनि होला उनलाई यहाँ सम्म आइपुग्न निकै समय लाग्यो | तर अन्ततः उनले आफ्नो गन्तव हासिल गरेरै छाडे | उनको यो कुरा एक उदहारण पनि साबित भएको छ जसको माध्यमबाट आज धेरै नव प्रतिभाले प्रेरणा समेत लिन सकेका छन् |
२ बर्ष नै भएता पनि यो क्षेत्रमा उनले हतारमा भने काम गरेनन | केहि समय लिएर नै उनले बिस्तारै समय संग आफ्नो गति बढाए | धेरै कम मानिन सक्छ २ बर्षको अन्तरालमा उनले मात्र ३ वटा म्युजिक भिडियोमा काम गरेका छन् | तर गुणस्तरको हिसाबले भने यो ३ म्युजिक भिडियो धेरै राम्रो छ | अहिले उनको काम जारी छ | उनले अहिले धेरै नया प्रोजेक्टमा काम गरिरहेका छन् | केहि दिन अगाडी मात्र त उनको अब आउने नया म्युजिक भिडियो जसमा उनको डान्स र नृत्य निर्देशन रहेको त्यसको छायांकन सकिएको छ | त्यो संग संगै उनको अरु काम पनि भईरहेको छ अहिले धमाधम | उनि म्युजिक भिडियो संगै स्टेज प्रोग्रामहरुमा समेत बढी आबद्ध भए |
उनले मलेसियामा हुने अधिकांश सांस्कृतिक कार्यक्रमहरुमा आफ्नो प्रस्तुति दिइसकेका छन् | मलेसियामा रहेका नेपाली दर्शकहरुको माझमा त उनको छुट्टै पहिचान नै तयार भईसकेको छ | उनको प्रस्तुतिले कार्यक्रम अझ रंगिन हुने गरेको छ | यस हिसाबले उनि फरक फरक तरिकाले नेपाली कला क्षेत्रमा काम गरिरहेका छन् र विदेशमा नेपाली कलाको जगेर्ना समेत उनि गरिरहेका छन् | कला क्षेत्रको ३ विधामा आफुलाई अगाडी उभ्याए पनि उनको प्राथमिकतामा भने डान्स रहेको छ | उनलाई त्यसमा नै आनन्द आउछ | त्यसमा नै केहि गर्छु भन्ने दृढ संकल्पको साथमा उनि अगाडी बढिरहेका छन् |
तर उनलाई अभिनयमा पनि निकै रुची रहेको छ | आगामी दिन उनले चलचित्रमा समेत काम गर्न सक्ने संकेत दिएका छन् | तर उनि अहिले भने विशेष नृत्यमा नै केन्द्रीत रहेका छन् | उनि आफुलाई एउटा नृत्य निर्देशकको रुपमा नै बाहिर खुलाउन चाहान्छन् | अब उनि छिट्टै नेपाल आउदैछन् | उनको अबको योजना भने नेपालमा नै बसेर काम गर्ने रहेको छ | यसको लागि योजना समेत आफुले बनाईसकेको उनले जानकारी दिएका छन् | अबको दिन उनको सक्रियता अझ बढी बढ्ने र उत्कृष्ट उनको काम दर्शकहरुले हेर्न पाउनुहुने पक्का देखिएको छ |
हेर्नुस उनको म्युजिक भिडियो :
