अनलाईननेपालगंज डटकम :
पवन थिङ धेरै चिरपरिचित नाम त नभनौ तर नेपाली म्युजिक भिडियो क्षेत्रमा आफ्नो नामलाई चिनाउने प्रयास गरिरहेका एक मेहेनती मोडल हुन् उनि | उनको कला क्षेत्रमा यात्रा २ बर्ष भन्दा धेरै भईसकेको छ | उनले मलेसिया देखि आफ्नो पाईला नेपाली म्युजिक भिडियो क्षेत्रमा राखे | लामो समय मलेसिया बसे त्यहि देखि नै धेरै म्युजिक भिडियोमा काम गरे | २ बर्षको अन्तराल करिब आधा दर्जन भन्दा बढी म्युजिक भिडियोमा उनले अभिनय गरे | विदेशको ब्यस्त जीवनको बाबजुत पनि उनले समय निकालेर नेपाली म्युजिक भिडियो क्षेत्रमा समर्पित गरे |

उनले आफ्नो मेहेनत र दर्शकहरुको मायाको कारण कम समयमा नै आफुलाई धेरैको माझमा उभ्याउन सके | तर अब नेपालमा नै केहि गर्ने सोच र अझ सशक्त भएर लागिपर्ने चाहना र दृढ संकल्पको साथमा उनि नेपाल आए | केहि दिन मात्रै भयो उनि नेपाल झरेको तर उनको कामको रफ्तार भने सुरु भईसकेको छ | उनि नेपाल आएको केहि दिनमा नै “फक्रेको फुल झैँ जवानी” बोलको बिल्कुलै नया गीतको म्युजिक भिडियोको छायांकन सके | उनको अभिनय रहेको यस म्युजिक भिडियोको छायांकन सबै नेपालमा गरिएको छ |

उनि अभिनित प्राय म्युजिक भिडियोको छायांकन मलेसियामा नै गरिएको छ | तर यसपटक भने नेपालमा म्युजिक भिडियोको छायांकन भएको छ | उनि संग यस म्युजिक भिडियोमा सुस्मा मोक्तान र जीतेन तामाङको पनि अभिनय रहेको छ | रोमान्टिक र डान्स जनरामा यो गीत तयार भएको छ | म्युजिक भिडीयोको यस गीतमा करण वाईबाको शब्द, युनिक दोङ्गको संगीत र संजय तामाङको स्वर समावेश रहेको छ | गीतको अडियो केहि समय अगाडी नै रिलिज गरिसकिएको छ | गीतको अडियोले यति बेला राम्रै चर्चा पाईरहेको छ यसकारण पनि म्युजिक भिडियोको धेरैलाई पर्खाई रहेको छ |

आफुले केहि नया सोच बोकेर नै नेपाल आएको र अब यहि बसेर नेपाली म्युजिक भिडियोमा मेहेनत र संगर्ष गर्ने मोडल पवन थिङले बताए | हुन त उनले मलेसियामा नै हुँदा पनि धेरै नया प्रतिभालाई बाहिर आउन प्रोत्साहन समेत दिइसकेका छन् | विदेशमा हुन समयको व्यवस्थापन गर्दै उनले धेरै सक्रिय भएर लागिसकेका छन् भने यता नेपालमा भने उनको सक्रियता अझ तीव्र नै हुने देखिन्छ | यसको सुरुवात पनि उनले नेपाल आएकै केहि दिनमा नै गरिसकेका छन् | उनलाई दर्शकहरुले सम्भावना बोकेको मोडलको रुपले हेरेको देखिन्छ | अब नेपालमा उनको संगर्षले कस्तो परिणाम दिने हो त्यो हेर्न भने बाँकी नै छ |

हेर्नुस गीतको अडियो :