आउदो पुस महिनामा धेरै नेपाली चलचित्र प्रदर्शनको लागि भिड छ । त्यस मध्यको एक हो “राज्जा रानी” । सम्पूर्ण काम सकेर प्रदर्शनको लागि तयार भएको चलचित्रले पुस २८ गतेको लागि प्रदर्शन मिति तय गर्दै पहिलो टिजर सार्वजनिक गरेको छ । सार्वजनिक टिजर केहि फरक बनेको आएको छ । टिजरमा चलचित्रका मुख्य पात्र नाजिर हुसेन फरक अवतार र संवादमा देखिएका छन् । यसले चलचित्र अवश्य पनि रोमान्चक रहेको संकेत गर्छ । टिजरमा नायिका केकी अधिकारीलाई भने समावेश गरिएको छैन ।

नायक आर्यन सिग्देलको होम प्रोडक्शन हाउसबाट निर्मित यो चलचित्रलाई कथाकार यम थापाले निर्देशन गरेका हुन् । चलचित्रको कथा निर्देशक थापा आफैको हो । सानो भेगको जनजाति कथामाथि निर्माण भएको चलचित्रका निर्माता रमेश एमके पौडेल हुन् । पहिलो पटक निर्देशनमा उत्रेका कथाकार यम थापाले अवश्य पनि दर्शकहरुको मन जित्ने सिनेमा बनाएको चलचित्रको टिजरले देखाउछ ।

चलचित्रमा केकी अधिकारी , नाजिर हुसेन , कामेश्वर चौरासिया , लक्ष्मी बर्देवा , संगीता नापित , अरुण रेग्मी , दीपक क्षेत्री , विनोद निरौला , अनोज पाण्डे , अशोक आचार्य , अनुज थापा लगायतका कलाकारहरुको मुख्य अभिनय रहेको छ । यस्तै चलचित्रमा ताराप्रकाश लिम्बु र दीपक शर्माको संगीत , पुरुषोत्तम प्रधानको छायांकन र कविराज गहतराजको नृत्य निर्देशन रहेको छ ।