सिनेमा ‘कबड्डी कबड्डी’को अफिसियल ट्रेलर रिलिज भएको छ । सोमबार मण्डला थिएटरमा एक प्रेसमिट गर्दै सिनेमाको पहिलो ट्रेलर सार्वजनिक गरिएको हो ।
काजीले मैयाको माया पाउन गर्ने संघर्ष संगै हिमाली गाउमा हुने राजनिती यसैबीच हुने कलहलाई कमेडी शैलीमा देखाईएको छ। रामबाबु गुरुङले निर्देशन गरेको यो सिनेमामा दयाहाङ राई, सौगात मल्ल, रीस्मा गुरुङ, विजय बराल, शिशिर बाङ्देल, बुद्धि तामाङ, विजय बराल, अरुणा कार्की र जुनु बिष्ट लगायतले अभिनय गरेका छन् ।
यसअघिको सफल सिनेमा कबड्डीको सिक्वेलको रुपमा निर्माण गरिएको यो सिनेमाको हिमालपारिको जिल्ला मुस्ताङका थकाली समुदायको कथा छ र त्यहाका रमणीय स्थानमा खिचिएको छ । प्रेसमीटमा बोल्दै आफुले पहिलेको भन्दा नि यो सिक्वेल निकै मेहेनत गरी उत्कृष्ट बनाएको निर्देशक गुरुङले बताए । चलचित्र बिकाश बोर्डका अध्यक्ष राज कुमार राईले सिनेमा सफलताको शुभकामना दिए ।
शैलेन्द्रध्वोज कार्कीलेखिचेको फिल्ममा कुमार महर्जनको द्धन्द्ध र रोहित शाक्यले संगीत दिएका छन । सुनिलचन्द्र रौनियार र रौनकविक्रम कँडेलले सिनेमाको निर्माण गरेका हुन् । वितरण कम्पनी पपर्कन पिक्चर्सले बताएअनुसार यो सिनेमा फिल्म मंसिर ११ गते रिलिज हुनेछ ।
ट्रेलर हेरी मज्जा लिनुहोस :
