नेपाल प्रेस युनियन दाङकी सदस्य पत्रकार अनिता भुसालको निधन भएको छ । तुलसीपुर वडा नं ६ निवासी सञ्चारकर्मी भुसालको उपचारका क्रममा भारतको लखनउमा निधन भएको हो ।
२१ वर्षीया पत्रकार भुसालको उपचारको क्रममा गएराती १२ बजे लखनउमा मृत्यु भएको पारिवारिक स्रोतले बताएको छ । सेतो रक्त कोषको कमीले मुटुमा असर गरेपछि उनलाई काठमाडौं हुँदै उपचारको लागि पछिल्लो पटक लखनउ लगिएको थियो ।
भुसाल तुलसीपुरस्थित रेडियो सञ्जीवनीमा प्राविधिकका रुपमा रहेर लामो समय काम गरेकी थिइन् । भुसालको तुलसीपुर–७ स्थित कालाखोला घाटमा आज अन्तिम संस्कार गरिएको छ ।
