डडेल्धुराबाट चितुवाको हड्डीसहित दुई जना पक्राउ परेका छन् । अमरगढी नगरपालिका–५ बागबजारबाट चितुवाको हड्डी झाण्डै ४ किलो सहित दुई जनालाई शनिवारराति पक्राउ परेका हुन् ।
पक्राउ पर्नेमा बाजुरा बुढीगंगा नगरपालिका–१० का २६ वर्षीय राजेन्द्र जैसी र खप्तड छेडेदह गाउँपालिका–७ का २७ वर्षीय बीरबहादुर वली रहेका छन् ।
सुदूरपश्चिम प्रदेश अनुसन्धान व्यूरो र जिल्ला प्रहरी कार्यालय डडेल्धुराबाट खटिएको प्रहरी टोलीले चितुवाको हड्डीसहित दुबै जनालाई पक्राउ गरेको हो । यस विषयमा थप अनुसन्धान भइरहेको प्रहरीले बताएको छ ।
