बाँकेको डुडुवा गाउँपालिकामा बाल संरक्षण तथा मनोसामाजिक परामर्श सम्बन्धि अभिमुखीकरण गरिएको छ । विपतका बेलामा जोखिममा परेका बालबालिकाहरुको संरक्षण तथा मनोसामाजिक सेवा प्रदान गर्ने उद्देश्यले अभिमुखीकरण गरिएको हो ।
अभिमुखीकरणमा मनोविमर्शकर्ता संगिता थापा र भागिराम थारुले मनोविमर्शसँग सम्बन्धित विभिन्न विषयमा जानकारी गराएका थिए । संस्थाले बाढी र डुवानको विपतबाट मनोसामाजिक समस्यामा परेका विद्यार्थी, अभिभावकहरु तथा अन्य परिवारलाई परामर्श दिई समस्याको समाधान गर्ने उद्देश्य रहेको मनोसामाजिक विमर्श कार्यकर्ता अल्का मिश्रले बताइन् ।
उनका अनुसार डुडुवा गाउँपालिकाको वडा नम्बर १, २ र ५ मा उक्त अभिमुखीकरण गरिएको हो । सिद्धार्थ सामुदायिक विकास केन्द्र कपिलवस्तुको आयोजनामा तथा युनिसेफको सहयोगमा गरिएको कार्यक्रममा जनप्रतिनिधि, कर्मचारी, प्रहरी, विद्यार्थी, युवा, महिला, शिक्षक लगायतको सहभागिता रहेको थियो ।
