लागुऔषधसहित एक नेपाली महिला सीमावर्ती भारतीय बजार रुपईडिहामा पक्राउ परेकी छन् । नेपालगञ्ज उपमहानगरपालिका वडा नं. २ की सुस्मिता शाही १ किलो ४७५ ग्राम चरेशसहित पक्राउ परेकी हुन् ।
रुपईडिहाका थाना प्रभारी निरीक्षक अपराध शाखाका ब्रम्ह गौड, नगर ईञ्चार्ज बरिष्ठ उपनिरीक्षक रुदल बहादुर सिँह र एसएसबीको संयुक्त टोलीले शाहीलाई सोमवार राती १ बजे पक्राउ गरिएको रुपईडिहा प्रहरीले जनाएको छ ।
अन्तर्राष्ट्रिय बजारमा करीब ७० लाख मूल्य पर्ने उक्त चरेशसहित पक्राउ परेकी शाहीलाई आवश्यक कारबाहीका लागि जिल्ला कारागार बहराईच चलान गरिएको रुपईडिहाबाट पत्रकार सन्तोष शुक्लाले जनाएका छन् ।
