दाङमा एक जना महिलाको शव गाडेको अवस्थामा भेटिएको छ।
जिल्लाको घोराही वडा नं १२ रतनपुरमा ४० वर्षीया शारदा केसीको शव उनको घर नजिकै गाडेको अवस्थामा भेटिएको जिल्ला प्रहरी कार्यालय दाङले जानकारी दिएको छ।
बुधबार दिउँसो एक जना छिमेकी महिलाले कटहरको रुख नजिक खाड्लमा गाडेको अवस्थामा मानिसको खुट्टाको पैतला देखेपछि उनीले घरमा आएर आँफुले देखेको कुरा परिवारसँग गरेको र पछि टोलका अध्यक्ष हुँदै वडाध्यक्ष मार्फत प्रहरीमा सूचना पुगेर घटना बाहिरिएको थियो ।
घटना पश्चात मृतक शारदाका ४१ वर्षीय श्रीमान मेघराज केसी भने फरार छन् । उनले हत्या पछि श्रीमतिको शब गाडेको हुन सक्ने प्रहरीले आशंका गरेको छ । प्रहरीले उनको खोजी भइरहेको जनाएको छ।
