पहिचानवादी दल र संस्थाहरुले गठन गरेको कोशी प्रदेश नामाकरण विवाद आन्दोलनका क्रममा मृत्यु भएका ४२ वर्षीय पदमबहादुर लिम्बुलाई सरकारले शहीद घोषणा गर्ने निर्णय गरेको छ ।
प्रदेश नं.१ लाई कोशी प्रदेश नामाकरण गरिएको विषयलाई लिएर गरिएको आन्दोलनमा खटिएका लिम्बुको गत चैत ५ गते विराटनगरस्थित मुख्यमन्त्री कार्यालय अगाडि प्रहरीको लाठीचार्जमा गम्भीर घाइते भएर उपचारका क्रममा लिम्बुको उपचारको क्रममा धरानस्थित बिपी कोइराला स्वास्थ्य विज्ञान प्रतिष्ठानमा चैत १० गते मृत्यु भएको थियो ।
आन्दोलनरत संयुक्त संघर्ष समितिले लिम्बुलाई सहिद घोषणा गर्न माग गर्दै थप आन्दोलन गरेपछी आज बिहान बसेको मन्त्रिपरिषद बैठकले लिम्बुलाई सहिद घोषणा गर्ने निर्णय गरेको सरकारका प्रवक्ता एवं सञ्चार तथा सूचना प्रविधिमन्त्री रेखा शर्माले जानकारी दिनुभयो ।
सहिद घोषणा गरिएका लिम्बु लिम्बुवान भोलेन्टियर्सका केन्द्रीय सहकमाण्डर हुन् भने बैठकले उनका परिवारलाई क्षतीपुर्ती समेत दिने निर्णय गरेको छ।
