एसईई परीक्षामा एउटा विषयको प्रश्नपत्रको ठाँउमा अर्को विषयको प्रश्नपत्र आएपछि परीक्षा नै ढिला सुरु हुन पुगेको छ ।
आजबाट सुरु भएको एसईई परीक्षाको पहिलो दिनमै अंग्रेजी विषयको प्रश्नपत्र आउनुपर्नेमा नेपाली विषयको प्रश्नपत्र आएपछि परीक्षा केन्द्रमा परीक्षा ढिलो सुरु भएको छ ।
धनुषाको औरही गाउँपालिका स्थित चक्कर मा.वि. परीक्षा केन्द्रमा पहिलो दिनको अंग्रेजीको प्रश्नपत्र आउनुपर्नेमा नेपाली विषयको प्रश्नपत्र आएपछि परीक्षा केन्द्रमा झण्डै एक घण्टा ढिलो एसईई परीक्षा सुरु भएको हो ।
जिल्ला शिक्षा समन्वय इकाइ धनुषाका अनुसार प्राविधिक गडबडीले अंग्रेजी विषयको खाममा नेपाली विषयको प्रश्न पत्र आएपछि मुचुल्का गरेर ढिलो गरी आज बिहान ८ बजे सुरु हुनुपर्ने परीक्षा ८ बजेर ५० मिनेटमा सुरु भएको छ ।
