सल्यान जिल्लालाई बाँके जिल्लासँग जोड्नका लागि बबई नदीमा मोटरेवल पुल निर्माण थालिएको छ । कर्णाली प्रदेशलाई लुम्विनी प्रदेशसँग जोड्ने खलंगा–कालीमाटी–चप्परगौडी सडकअन्तर्गत पर्ने बबई नदीमा पुल निर्माण थालिएको हो । सल्यान–कोहलपुर जोड्ने छोटो मार्गका रुपमा रहेको यस सडकको ट्रयाक खोल्ने काम भए पनि स्तरोन्नति र बबई नदीमा पुल नहुँदा समस्या हुँदै आएको छ ।

‘दुबै पुलले सल्यानलाई बाँकेसँग जोड्नेछन्, अब निकुञ्जसँग सडक निर्माणको लागि अनुमति माग्ने तयारी छ, यो पुलले पालिकालाई मात्रै नभएर सिंगो जिल्लालाई नै जोड्नेछ’, उनले भने, ‘यो पुललाई पालिकावासीको विकास र समृद्धिसँग जोड्न आवश्यक छ ।’ अध्यक्ष केसीले दुबै मोटरेवल पुलको निर्माण कार्य धमाधम भइरहेको र तोकिएको समयमा नै निर्माण सम्पन्न हुने विश्वास व्यक्त गरे ।

पुल निर्माणको जिम्मा लिएको रसुवा कन्स्ट्रक्सनका साइट इञ्चार्ज महेशचन्द्र गौतमले अहिले पुल निर्माणको काम द्रुत गतिमा भइरहेको बताए । ‘सव स्टक्चरको काम जेठसम्म सम्पन्न हुन्छ, बर्खामा काम हुँदैन, बाँकी काम कार्तिक लागेपछि शुरु गर्छौं, आउँदो चैतमा पुल निर्माण सम्पन्न हुन्छ’ उनले भने । करिब २० करोड लागतमा हात्तीढुंगा–घुइयावारी पुल निर्माण भइरहेको छ ।