दाङमा आमा छोरा मिलेर बाबुको हत्या गरेका छन् । जिल्लाको बंगलाचुली गाउँपालिका वडा नम्बर २ मर्फेसमा ४२ वर्षीय रेशम सुनारको हत्या भएको हो ।
मंगलबार बेलुकी करिब ८ बजे उनकी श्रीमती ३२ वर्षीया चन्द्रा सुनार र १७ वर्षीय छोरा शिवराज सुनारले कोदालो प्रहार गरी रेशमको हत्या गरेको जिल्ला प्रहरी कार्यालय दाङले जनाएको छ ।
शिवराज रेशमका जेठा छोरा हुन् । घरायसी विवादमा आमाछोरा मिलेर रेशमको हत्या गरेको देखिएको दाङ प्रहरी प्रवक्ता प्रहरी नायब उपरीक्षक राजन गौतमले जानकारी दिए ।
घटनापछि चन्द्रालाई प्रहरीले घरबाटै पक्राउ गरेको थियो भने फरार रहेका शिवराजलाई पनि प्रहरीले मध्यराति पक्राउ गरेको जनाएको छ ।
