राष्ट्रपति रामचन्द्र पौडेलले राजनीति समाज र जनताप्रतिको सेवाभावले ओतप्रोत हुनुपर्ने बताएका छन् ।
आज नेपाली कांग्रेसका स्व. नेता नविन्द्रराज जोशीको शालिक अनावरण कार्यक्रममा बोल्दै राष्ट्रपति पौडेलले जनतासँगको निरन्तर सन्निध्यतासँगै उनीहरूको सुख, दुःख बुझेर उनीहरूकै लागि सेवा गर्ने अठोट, प्रतिबद्धता र समर्पणबाट अभिप्रेरित हुनुपर्ने बताए ।
राष्ट्रपति पौडेलले भने-‘राजनीति समाज र जनताप्रतिको सेवाभावले ओतप्रोत हुनुपर्छ । जनतासँगको निरन्तर सान्निध्यतासँगै उनीहरुको सुख दुःख बुझेर उनीहरुकै लागि सेवा गर्ने उच्चतम अठोट, प्रतिवद्वता र समर्पणबाट अभिप्रेरित हुनुपर्छ ।’
‘स्व. नेता जोशी यही दर्शनबाट प्रभावित थिए,’ राष्ट्रपति पौडेलले स्व.जोशीको सालिक आज बिहान काठमाडौंमा अनावरण गर्दै भने ।
नेपाली कांग्रेसका नेता एवं पूर्वमन्त्री जोशीको निधनले अपुरणीय क्षति पुगेको समेत उनले बताएका थिए । जोशीको २०७७ चैत १३ गते राति निधन भएको थियो ।
