रुपन्देहीमा सशस्त्र प्रहरीले साढे सात लाख रुपैयाँ बराबरका अवैध मोटरपार्ट्स बरामद गरेको छ ।
देबदह नगरपालिका वडा नम्बर १० चरंगे इलाकाबाट चैत ५ गते सशस्त्र प्रहरीले करिब ७ लाख ५३ हजार रुपैयाँ बराबरको चोरीपैठारीको मोटरपार्ट्स तथा कारसहित एक जनालाई नियन्त्रणमा लिएको छ ।
बिशेष सूचनाको आधारमा बुटवल उपमहानगरपालिका वडा नम्बर ८ बस्ने ३४ बर्षीय सन्तोषप्रसाद शाहलाई नम्बर २७ गण रुपन्देहीले भारतबाट अवैधरुपले लु १ च १४२६ नम्बरको गाडीमा लुकाईछिपाई ल्याउँदै गरेको मोटरपार्ट्ससहित नियन्त्रणमा लिएको हो ।
उनी उक्त गाडीका चालक हुन् । शाहलाई बरामद मोटरपार्टस् तथा कारसहित आवश्यक कारवाहीको लागि भैरहवा भन्सार कार्यालय बेलहियामा बुझाइएको सशस्त्र प्रहरी नम्बर २७ गण रुपन्देहीले जनाएको छ ।
