मध्यपहाडी लोकमार्ग अन्तर्गत सिन्धुलीको फिकल गाउँपालिका–४ कुइभिर डाँडामा बस दुर्घटना हुँदा पाँच जनाको ज्यान गएको छ । १९ जना घाइते भएका छन् ।
ओखलढुङ्गाबाट काठमाण्डौका लागि छुटेको बा २ ख ६५९६ नम्बरको बस आज बिहान ‘ब्रेक’ फेल भएर दुर्घटना भएको हो ।
घाइते भएका १९ जनाको खुर्कोट अस्पतालमा उपचारका लागि पठाइएको जिल्ला प्रहरी कार्यालय सिन्धुलीका प्रमुख प्रहरी उपरीक्षक राजकुमार सिलवालले जानकारी दिए ।
दुर्घटनाको विस्तृत विवरण आउन बाँकी छ ।
