नेपालले हिजो भएको आईसीसी क्रिकेट विश्वकप लिग-२ मा पपुवा न्युगिनीलाई ३ विकेटले पराजित गरेको छ ।
ओपनर आसिफले धैर्यपूर्वक ब्याटिङ गर्दै अविजित ८६ रन बनाएपछि पपुवा न्युगिनीले दिएको १८० रनको लक्ष्य नेपालले ४८ ओभर खेल्दै ७ विकेट गुमाएर पूरा गर्दै नेपालले पपुवा न्युगिनीलाई पराजित गर्न सफल बनेको हो ।
सिरिजमा नेपालले अन्तिम खेल सोमबार युएईसँग खेल्नेछ । यी तीनै टिमबीच नेपालमा फागुन २५ देखि लिग- २ को अन्तिम सिरिज हुँदैछ ।
लिग- २ को शीर्ष तीन टिम विश्वकप छनोटमा पुग्नेछन् । पुछारका चार टिमले क्वालिफायर प्लेअफ खेल्नु पर्नेछ। यस्तै शीर्ष पाँच टिमको एकदिवसीय मान्यता जोगिनेछ ।
लिग-२ मा च्याम्पियन बनेको स्कटल्यान्डले सबै ३६ खेलबाट ५० अंक जोड्दा दोस्रो बनेको ओमानको ४४ अंक छ । स्कटल्यान्ड र ओमान विश्वकप छनोट पुगिसकेका छन् ।
तेस्रो स्थानको नामिबियाको ३६ खेलबाट ३९ अंक छ भने चौथो स्थानको अमेरिकाको समान खेलबाट ३५ अंक छ । युएई ३० खेलबाट ३१ अंक जोड्दै पाँचौ स्थानमा छ ।
छैटौं स्थानको नेपालको ३१ खेलबाट ३० अंक जोडेको छ। पुछारको पिएनजीको ३१ खेलबाट ७ अंक छ ।
अब नेपालले लिग-२ को शीर्ष तीन स्थानमा पुग्न बाँकी रहेका ५ खेलबाट जित हात पार्नु पर्दा एकदिवसीय मान्यता जोगाउन ३ खेलमा जित निकाल्नु पर्छ ।
