धनगढीमा सुरु भएको सूचना प्रविधि मेलाको सुदूरपश्चिम प्रदेशका प्रदेश प्रमुख देवराज जोशीले उदघाटन गरेका छन् ।
कम्प्युटर एशोशियसन नेपाल क्यान कैलालीको आयोजनामा सुरु भएको मेलाकोको मङ्गलवार एक कार्यक्रमका बिच प्रदेश प्रमुख जोशीले उदघाटन गरेका हुन् ।
२० गतेसम्म सूचना प्रविधि मेलामा सूचना प्रविधिको बारेमा जानकारी दिने, नवीनतम प्राविधिक सामग्रीको प्रदर्शनी गरिने, साइबर सेक्युरिटी सम्बन्धी जानकारी दिइने जनाइएको छ । सूचना प्रविधि प्रदर्शनमा ७० वटा स्टलहरू रहेका छन् ।
सुदूरपश्चिमका नौ वटै जिल्लालाई समेटेर ८० हजारदेखि १ लाख दर्शकलाई अवलोकन गराउने लक्ष्य क्यानले गरेको छ । सूचना प्रविधि मेलाको मुख्य प्रायोजकमा नेपाल दूर सञ्चार प्राधिकरण र एशोसियटमा नेपाल टेलिकम रहेका छन् ।
