ज्योती स्पोर्टस एकेडेमीले विजेताको रुपमा प्राप्त गरेको उपाधी नेपालगञ्ज उपमहानगरपालिका वडा नम्बर १ लाई हस्तान्तरण गरेको छ । ज्योती स्पोर्टस एकेडेमी हालै सम्पन्न नेपालगन्ज मेयर कप क्रिकेट प्रतियोगिताको विजेता बन्न सफल भएको थियो ।
सहभागी २२ टिममा उत्कृष्ट हुँदै ज्योतीले उपाधी जितेको हो । फाईनल जितेपछि प्राप्त भएको पदक एकेडेमीका सिद्धान्त राज शाहीले वडा अध्यक्ष प्रमोद रिजाललाई हस्तान्तरण गरेका हुन् । वडा कार्यालयले एकेडेमी सञ्चालन र प्रतियोगिताका लागि आवश्यक सहयोग गर्दै आएको वडा अध्यक्ष रिजालले बताए ।
एकेडेमीले जितेको पदक वडा कार्यालयको संरक्षणमा राखिएको भन्दै खेलाडीहरुले आगामी दिनमा समेत थप सहयोगको अपेक्षा गरिएको बताएका छन् । सो अवसरमा वडा सदस्य इन्द्रवहादुर राना र वडा सचिव नेवलाल घर्तीको पनि उपस्थिती रहेको थियो ।
