कोहलपुर नगरपालिका वडा न २ मा रहेको लक्ष्मी माध्यामिक बिद्यालयमा ८ कोठे भवनको भुमी पुजन सहित शिलान्यास गरिएको छ ।
नगर प्रमुख पुर्ण प्रसाद आचार्य र उपप्रमुख संगीता सुबेदीले एक कार्यक्रमका बिच ८ कोठे भवनको भुमी पुजन सहित शिलान्यास गरेका हुन् । भवनको शिलान्यास पछि बोल्दै नगर प्रमुख आचार्यले सामुदायिक बिद्यालय भौतिक रुपमा मात्र सम्पन्न नभई शैक्षिक स्तरमा पनि सम्पन्न हुनुपर्नेमा जोड दिएका छन् ।
उनले लुम्बीनी प्रदेश सामाजिक डिभिजन कार्यालयको एक करोड र कोहलपुर नगरपालिकाको २० लाखको लागतमा ८ कोठा सहीतको २ तले भवन निमार्ण गर्न लागिएको बताए । कोहलपुर नगर क्षेत्रमा रहेका सामुदायिक बिद्यालयका जिर्ण भवन पुर्ण निमार्ण गर्ने र भवन नै नभएको सामुदायिक बिद्यालयमा नयाँ भवन निमार्ण गरि पुर्वाधार युक्त नमुना बिद्यालय बनाउने आफ्नो योजना रहेको बताएका छन् । छानो मुक्त बिद्यालय घोषणा गर्ने अबस्थामा आफुहरु पुगेको र बालबालिकाहरु पक्की भवनमा पढ्ने वातावरणहरु बन्दै गएको आचार्यले बताए ।
सो भवनको निर्माण कार्य भने ग्रेटर नेपाल कन्स्ट्रक्सनले गर्ने भएको छ ।
