नेपाली टी–२० लिग क्रिकेटमा स्पट फिक्सिङ गरेको आरोपमा काठमाडौं जिल्ला सरकारी वकिल कार्यालयले पाँच जनाविरुद्ध मुद्दा दर्ता गरेको छ ।
जिल्ला सरकारी वकिल कार्यालयले आज मेहबुब आलम र आदिल अन्सारी, नितेश शाह, नविन कँडेल र रवि माझी विरुद्ध काठमाडौं जिल्ला अदालतमा मुद्दा दर्ता गरेको हो ।
कीर्तिपुरस्थित त्रिवि क्रिकेट मैदानमा गत पुस ९–२७ सम्म भएको नेपाली टी–२० लिगमा भएको स्पट फिक्सिङबारे सीआइबीले अनुसन्धान गरेपछि काठमाडौं जिल्ला सरकारी वकिल कार्यालयले मुद्दा दर्ता गरेको हो ।
